مچ آ ملک اٹی تدوک آ 24 گھنٹہ ٹی کورونا دین انا 39 کیس رپورٹ مس، قومی ادارہ جان جوڑی

اسلام آباد۔ 05 دسمبر (اے پی پی) قومی ادارہ جان جوڑی نا رداٹ مچ آ ملک اٹی تدوک آ 24 گھنٹہ ٹی کورونا دین انا 39 کیس رپورٹ مس ، مثبت کیس آتا کچ 0.61 درسد ئس۔ دوشنبےنادے آ این آئی ایچ نا جاری حساب وکتاب نا رداٹ مچ آ ملک اٹی تدوک آ 24 گھنٹہ ٹی کورونا دین انا 6 ہزار 351 ٹیسٹ کننگا ہرافتیان 39 بندغ آتا ٹیسٹ مثبت بس، ہندا وڑ کورونا ٹیسٹ انا مثبت کچ 0.61 درسد ئس۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 24 ناجوڑ آتا حالیت نازرک ءِ۔ چندی شارتیٹی کروک آ کورونا ٹیست و مثبت کیس آتا کچ انا بابت کراچی ٹی 424 ٹیسٹ کننگا ہرافتیان 5 ناجوڑ آتا ٹیسٹ مثبت بس  ومثبت ٹیسٹ انا کچ 1.18 درسد ئس، ہندا وڑ پشاور اٹی 24 گھنٹہ ٹی 236 بندغ آتا ٹیسٹ کننگا ہرافتیان 3 ناجوڑ آتا ٹیسٹ مثبت بس و ہموڑے مثبت کیس آتا کچ 1.27 درسد ئس۔ ہندا وڑ لاہور اٹی 972 ٹیسٹ آتیان 6 بندغ آتا ٹیسٹ مثبت بس و کچ 0.62 درسد ئس۔ اسلام آباد اٹی 278 ٹیسٹ کننگا ہرافتیان 3 ناجوڑ آتا ٹیسٹ مثبت بس و کچ 1.08 درسد ئس، راولپنڈی ٹی 405 کورونا ٹیسٹ کننگا ہرافتیان 2 ٹیسٹ مثبت بس و ہموڑے مثبت کیس آتا کچ 0.49 درسد ئس و فیصل آباد اٹی 374 ٹیسٹ کننگا ہرافتیان اسہ ناجوڑ اسے ٹی ٹیسٹ مثبت بس وخت اس کہ ہموڑے کچ 0.27 درسد ئس۔