اسلام آباد۔ 05 دسمبر (اے پی پی) چین پاکستان اقتصادی راہداری ڈٹ انا رداٹ تھراٹی شنگھائی الیکٹرک نا اولیکو 660 میگاواٹ یونٹ 1،320 میگاواٹ تھر کول آ تالان پاور پلانٹ ءِ نیشنل گریڈ تون منسلک کننگا، 660 میگاواٹ اسہ پین یونٹ اس ہم (اینو) دوشنبے (5دسمبر) آ نیشنل گریڈ اتون منسلک مریک، ہڑتوم آ یونٹ آک قومی گریڈ اٹی 1320 میگاواٹ بجلی فراوان کیرہ۔ بنجائی وزیر بجلی خرم دستگیر خان اسہ بیان اسے ٹی پارینے کہ ہندی وسیلہ غاتیان کم خڑچ بجلی نا ودکی ءِ مستائی اس گوندسا مستی پارے کہ دا چین پاکستان اقتصادی راہداری (سی پیک) گام انا بھرم ءِ۔ شنگھائی الیکٹرک صوبہ سندھ انا صحرائے تھرکول بلاک ون اٹی 2660 میگاواٹ نا الٹراسپرکریٹیکل کولاآن چلینگوک آ پاور پلانٹ آتا اسپانسر ءِ۔
