اسلام آباد۔ 05 دسمبر (اے پی پی) پاکستان اٹی انڈونیشیا نا سفارت خانہ اسہ رنگ رنگی ءُ خاہوتی و اسپورٹس گالا اس اڈ تس ہراٹی چندی ملک آتا سفارت کار و اوفتا خاہوت آتیان بیدس صحافیک بھلو کچ اسے ٹی بشخ ہلکر۔ انڈونیشیا نا سفارت خانہ ٹی مروک آ دود اٹی انڈونیشیا نا سفیر ایڈم ایم ٹوگیو و ایلو سفارتی عملہ بشخ ہلوک آتے بخیرکریر۔ دود اٹی مہمان تا خذمت ءِ انڈونیشیا نا روایتی کن و خور تے اٹ کننگا۔ داوخت آ اسٹال ہم خلنگاسس ہرافتے ٹی پاکستان اٹی تیار کروک دستکاری نا گڑاتیان بیدس فن پارہ ہم اوار ئسک۔ انڈونیشیا نا سفیر دود اٹی شریک چناتیٹی ٹیکی ہم بشخا۔ داوخت آ تران کرسا اوپارے کہ دود انا اڈتننگ نا مسخت ہڑتوم آ ایلم ملک آتا نیام اٹ تعلقداری تے مون آ دننگ ءِ۔ دود اٹی انڈونیشیا و پاکستان نا نغمہ ہم پیش کننگا۔ ہنر کدہ و کمیونٹی ڈویلپمنٹ کونسل و ایلوفک پروگرام نا اڈتننگ اٹ انڈونیشیا نا سفارت خانہ نا کمک ءِ کریر۔
