سیلاب  ءَ  پاکستان   ءِ  شہر    ءُ  کوچگ  آنی  آباتی   ءُ جغرافیہ  ءَ را  مٹ  کتگ،  بنجاھی   وزیر  برائے ماحولیاتی مٹ  ءُ بدلی  ءِ  میاں  اوستمانی سمٹ  ءَ گوں گشتانک

اسلام آباد۔3دسمبر  (اے پی پی): بنجاھی وزیر  برائے  ماحولیاتی  مٹ  ءُ  بدلی سینیٹر  شیری  رحمان   ءَ  دیمروئی  شوبگ  ءُ    ءُ  شریکدار آنی  سر ءَ زور  پر دات کہ  آ  موسمیاتی  مٹ  ءُ بدلی  ءِ جیڈھ  آنی  تہ ءَ کمی  ءُ  ھلاسی  ءِ  واستہ   آسراتی  آنی تہ ءَ  گیشی  بکن  اَنت۔  سیلاپ  ءَ  چہ پاکستان  ءِ شہر  ءُ کوچگ  آنی  آباتی   ءُ جغرافیہ   ءَ    را مٹ  ءُ بدل  کتگ۔  شمبے    ءَ  یو ایس  ای  ءِ  ٹوھیں   وانگ ءُ زانگی  نظام  ءِ برجائی  ءِ  ھوالگ ءَ   ہائیر  ایجوکیشن کمیشن  ءُ    افرادی  قوت ءِ  دیمروئی ءَ  میاں  اوستمانی سمٹ  ءَ گوں  گشتانک  دیان  ءَ بنجاھی  وزیر  ءَ  گوشت کہ موحولیات  سرجمیں رنگ ءَ سائنسی  ماڈلز   آنی رد ءَ   انت  ایش  ایشی  ءِ  جیڈھ آناں  پھمگ   ءِ  واستہ اسٹیک ہولڈر  ءِ   پینگ جنگی ءِ لوٹ  ءَ کنت ۔ شیری  رحمان   ءَ گوشتگ کہ موسمی  مٹ  ءُ بدلی ءُ  جوانیں  ماڈلز  آنی  سر ءَ کار  کنگ ءِ  واستہ  اے رنگیں فورمز  آناں بار بار  گوانک جنگ ءِ ضلورت انت وھدیکہ  موسمی  مٹ   ءُ بدلی ءِ  گر ءُ دار   ءِ  منصوبگ  آنی  زمینی جیڈھ  آنی  سر ءَ دلگوشی  دیگ ءِ  ضلورت  انت۔