اسلام آباد۔3دسمبر (اے پی پی):صدر مملکت ڈاکٹر عارف علوی ءَ ھاسیں مردم آناں میاں اوستمانی روچ ءِ موہ ءَ وتی کلوہ ءَ گوشت کہ ھاسیں مردم آنی ھک ءُ گہبود ءِ دیمروئی ءِ وساتہ پاکستان میاں اوستما برات آنی گوما یکجائی ءَ اسپیشلیں مردم آنی روچ برجم دارگ بوھگ ءَ انت، ھاسیں مردم یا جتا جتائیں ازمکار ی ءِ بلدیں اسپیشلیں مردم آنی زندمان ءِ توامیں شوبگ آنی تہ ءَ جوانیں ءُ سرجمیں رنگ ءَ ھوار کنگ ارزشی انت۔ شمبے ءِ روچ ءَ ایوان ءِ صدر ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صدر مملکت ڈاکٹر عارف علوی ءَ گوشتگ کہ دگنیا ءَ یک ارب ءَ چہ گیش مردم کساس 15 درسد آباتی کجام ھم نمونگ ءَ مازوریں ءِ آماچ انت۔ ایشاں چہ 15 درسد ءَ چہ 80 درسد ھاسیں مردم نوک دیمروئی کنوکیں ملک آنی تہ ءَ نشتگ انت۔ صدر مملکت ءَ اے گپ ءِ سر ءَ زور پر دات کہ میڈیا ءَ اسپیشلیں مردم آنی ھک ءُ ایشانی تنیمگ ءَ مئے زمہ واری آنی بابت ءَ چاگرد ءَ زانت ءُ سرپدی پیداک بکنت۔
