اسلام آباد۔ 02 دسمبر (اے پی پی) وزیراعظم محمد شہباز شریف پارینے کہ پاکستان و چین نا تین پہ تینی تعلقداری ہر دور اٹی بھاز پت انا قابل و بے مٹ مسنے۔ وزیراعظم آفس نا میڈیا ونگ آن جاری بیان نا رداٹ وزیراعظم داخیال آتا درشانی ءِ چائنا کنسٹرکشن تھڑد انجینئرنگ بیورو نا ڈل اتون گپ وتران کرسا کرے ہرا جمعہ نادے آ داڑے اوڑتون اوڑدہی کرے۔ ڈل انا کماشی ءِ کمپنی نا وائس چیئرمین تان گوفو کریکہ۔ اوڑدہی ٹی وزیراعظم پارے کہ پاکستان و چین نا تین پہ تینی تعلقداری ہر دور اٹی پت انا قابل و بے مٹ مسنے۔ وزیراعظم چائنا کنسٹرکشن تھرڈ انجینئرنگ بیورو نا ڈل ءِ بخیر کرے، و تینا تدوک آ دورہ ءِ چین اٹی کمپنی نا صدر تون مروک آ اوڑدہی نا ذکر ءِ کرے۔ وزیراعظم کمپنی نا وائس چیئرمین جناب تان گوفو نا کنڈآن پاکستان اٹی انفراسٹرکچر و توانائی نا ڈٹ آتیٹی پین زرکاری نا عزم انا ستاءِ کرے۔ وزیراعظم چائنا کنسٹرکشن تھرڈ انجینئرنگ بیورو ءِ پاکستان اٹ قابل تجدید خاص کر شمسی توانائی نا ڈٹ آتیٹی پبی زرکاری نا سلہ خلک۔ وزیراعظم نوکاپ زہمی تا کمک کن چندی گڑاتا عطیہ کننگ آ کمپنی نا منت واریءِ ہرفے۔ اوڑدہی ٹی وزیراعظم نا خصوصی کمکار طارق فاطمی، ظفرالدین محمود و تعلقدار بڑزکو سرکاری کمامدارآک ہم ساڑی ئسر۔
