اسلام آباد۔ 02 دسمبر (اے پی پی) بنجائی وزیر قومی جان جوڑی عبدالقادر پٹیل گلوبل پولیو ایریڈیکیشن انیشیٹو نا بڑزکو کہولی ڈل اتون اوڑدہی کرے و پولیو نا چٹفنگ کن پاکستان نا عزم انا درشانی ءِ کرے۔ اوغٹ باسک آتا منت واری ءِ ہرفے کہ اوفتا کوشست آتیان مچ آ دنیا ٹی چناتے پولیو دین آن رکھ کننگانے۔ اوڈل ءِ مصر جامعہ الازہر نا گرینڈ شیخ تون تینا اوڑدہی نا بارواٹی پارے ہراٹی عالم دین پولیو نا پڑی کُنفنگ ءِ غٹ مسلمان تیکن فرض گوندسا اسہ فتویٰ اس جاری کرے۔ پولیو و سائیٹ بورڈ جہانی کہول آ پولیو نا چٹفنگ نا گام گیج آتا فیصلہ سازی و چاروکی ءِ کروک آ بڑزکو انگا ادارہ ءِ۔ پولیو اوورسائٹ بورڈ انا سروک و ریجنل ڈائریکٹرز نا داسال پاکستان نا دا ارٹ میکو دورہ ءِ۔ داکان مست دورہ مئی ٹی ہمووخت آ کننگاسس ہراتم کم و ود 15 تُو پد پاکستان اٹی پولیو نا اولیکو کیس رپورٹ مسوسس۔
