اسلام آباد۔ 02 دسمبر (اے پی  پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک متحدہ عرب امارات نا قومی دے انا وخت آ تہنیتی کلہو اٹی پارینو کہ متحدہ عرب امارات نا قومی دے انا وخت آ متحدہ عرب امارات نا سرکڑدہ و الس ءِ حکومت پاکستان و الس نا کنڈآن است انا حب اٹ مبارکبادی ایتنہ۔ جمعہ نادے آ متحدہ عرب امارات نا قومی دے انا وخت آ تینا جتا جتا تہنیتی کلہو آتیٹی اوفک پاریر کہ متحدہ عرب امارات نا سیاسی سرکڑدہ غاک شونداری و شونہالی نا ہرا مزل آتے طے کرینو او ستاکڑزرہ۔ پاکستان متحدہ عرب امارات نا الس نا خوشی تیٹی بریبر نا شریک ءِ۔ 2 دسمبر ہمو تاریخی دے ءِ ہراتم ہفت خلیجی ریاست آتیان شش ریاست تینے متحدہ امارات نا وڑاٹ متحد کریسر۔ پاکستان و متحدہ عرب امارات نا نیام اٹ برادرانہ تعلقداری کثیر الجہتی کمکاری آ تالان ءِ۔ پاکستان و متحدہ عرب امارات نا رشتہ ایلمی و پت آ تالان ءِ۔ پاکستان و متحدہ عرب امارات نا تعلقداری اسیجائی مذہبی و دودوربیدگی رابطہ غاتا سوب پین سوگو مسنے۔ ڈپٹی اسپیکر قومی اسمبلی متحدہ عرب امارات نا حکومت و الس ءِ قومی دے انا وخت آ مبارکبادی ترسا پارے کہ پاکستان و متحدہ عرب امارات اسہ ایلو تون مذہب و ایلمی نا لازوال رشتہ غاتیٹی تفوک ءُ۔ پاکستان و متحدہ عرب امارات نا حکومت و الس اسہ ایلو تون بھاز وابستگی تخرہ۔ جہانی فورم تیا بے مٹ کمکاری پاکستان و متحدہ عرب امارات نا نیام اٹ پت و شرف نا درشانی ءِ۔ ننے ہڑتوم آ کنڈآتا تعلقداری و ایلمی نا فضاءِ پین مون آ دننگ نا گرج ءِ۔ ہڑتوم آ ملک آتا نیام اٹ بڑزکو کہول آ ڈل آتا ہن و براٹی ترندی اتنگ و واپاری سرجزآتے پین ودفنگ آ چکار کروئی مریک۔

متعلقہ مضامینمصنف کی طرف سے مزید