اسلام آباد۔ 02 دسمبر (اے پی پی) قومی ادارہ جان جوڑی نا رداٹ مچ آ ملک اٹی 24 گھنٹہ ٹی کورونا دین انا 24 کیس رپورٹ مس، مثبت کیس آتا کچ 0.26 درسد ئس۔ جمعہ نادے آ این آئی ایچ نا جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 9 ہزار 93 ٹیسٹ کننگا ہرافتیان 24 بندغ آتا ٹیسٹ مثبت بس، ہندا وڑ کورونا ٹیسٹ انا مثبت کچ 0.26 درسد ئس۔ داکان بیدس داوخت آ کورونا دین آن اسہ ناجوڑ اس ہم زوال کتنے وخت اس کہ 41 ناجوڑ آتا حالیت نازرک ءِ۔ چندی شار تیٹی کروک آ کورونا ٹیسٹ و مثبت کیس آتا کچ انا بابت پشاور اٹی 24 گھنٹہ ٹی 471 بندغ آتا ٹیسٹ کننگا ہرافتیان 8 ٹیسٹ مثبت بس و ہموڑے مثبت کیس آتا کچ 1.70 درسد ئس۔ ہندا وڑ لاہور اٹی 463 ٹیسٹ آتیان 8 بندغ آتا ٹیسٹ مثبت بس و کچ 1.73 درسد ئس، اسلام آباد اٹی 283 ٹیسٹ کننگا ہرافتیان اسہ ناجوڑ اسے نا ٹیسٹ مثبت بس و کچ 0.35 درسد ئس، ایبٹ آباد اٹی 153 کورونا ٹیسٹ کننگا ہرافتیان اسہ ناجوڑ اسے نا ٹیسٹ مثبت بس و ہموڑے مثبت کیس آتا کچ 0.65 درسد ئس، فیصل آباد اٹی 216 ٹیسٹ کننگا ہرافتیان اسہ ناجوڑ اسے ٹیسٹ مثبت بس و کچ 0.46 درسد ئس۔
