واقعہ ٹی اوار شرپسند آتے اوفتا کروک نا سزا تننگے، انشاءاللہ شونہال و شون ہلوک بلوچستان نا ننا تغ ئِ پورو حقیقت نا دروشم اس تننگ کن غٹ المی گام گیج آتے چست کننگک، وزیراعظم محمد نواز شریف
اسلام آباد۔ 13مئی (اے پی پی) وزیراعظم محمد نواز شریف گوادر نا علاقہ پشگن اٹی کودک خواری کش آتیا سم کاری نا واقعہ نا مذمت ئِ کرسا دا سانحہ ٹی انسانی جان تا زیان آ است ہسونی نا درشانی ئِ کرینے۔ ہفتہ نا دے داڑے وزیراعظم میڈیا ونگ آن جاری پریس ریلیز نا رداٹ وزیراعظم محمد نوا زشریف واقعہ نا مذمت ئِ کرسا تعلقدار بنجائی و صوبائی کہول آ کمامدار آتے پارت کرینے کہ دا واقعہ ٹی اوار شرپسند آتے اوفتا کروک نا سزا تننگے۔ اوپارے کہ صوبہ ٹی ہر بہاآ امن ئِ برقرار تخنگ کن غٹ کوشست آتے کننگک۔ وزیراعظم پارے کہ انشاءاللہ شونہال و شون ہلوک بلوچستان نا ننا تغ ئِ حقیقت نا دروشم اس تننگ کن غٹ المی گام گیج آتے چست کننگک۔ وزیراعظم داسانحہ ٹی تپاخت کروک آ بندغ آتے کن بخشش نا دعا و خاہوت آتے کن صبرو جمیل نا دعا کرے۔
