بیجنگ۔ 13مئی (اے پی پی) پاکستان و چین ہفتہ نا دے آ مین لین ون ریل ٹریک و حویلیاں ٹی ڈرائی پورٹ انا اڈتننگ تون اوار چندی بشخ آتیٹی تین پہ تینی کمکاری نا بابت آن 6 جتا معاہدہ غاتیا دسخط کرینو۔ وزیراعظم محمد نواز شریف و چین نا وزیراعظم لی کیان بیجنگ نا عظیم السی ہال اٹی معاہدہ غاتیا دسخط نا دود اٹی شرکت کریر۔ داوخت آ سلک روڈ اکنامک بیلٹ و 21ممی صدری نا میری ٹائم سلک روڈ انا گام انا فریم ورک ، گوادر ایئر پورٹ وغیرہ کن 1.5 ارب آرایم بی نا خڑچ انا اقتصادی و تکنیکی کمک، ایم ایل ون اپ گریڈیشن و پاکستان نا شار حویلیاں ٹی ڈرائی پورٹ انا اڈتننگ آ عملدرآمد نا فریم ورک معاہدہ، حویلیاں ٹی ڈرائی پورٹ انا اڈتننگ و ایم ایل ون نا اپ گریڈیشن آ عملدرآمد نا بابت مفاہمت نا یات داشت، گوادر ایئر پورٹ اکن 0.8 ارب آر ایم بی نا مالیت نا اقتصادی و تکنیکی کمکاری نا معاہدہ و دے ٹکی شاہراہ نا جوڑ جاڑ کن 1.1 ارب آر ایم بی نا اقتصادی و تکنیکی کمکاری نا معاہدہ غا دسخط مس۔
