کوئٹہ۔12مئی(اے پی پی)بلوچستان ئِ دمگ مستونگ ئَ ڈپٹی چیئرمین سینیٹ ئُُ چے یو آئی ئِ سروک مولانا عبدالغفور حیدری ئِ گاڑی ئِ نزیک ئَ تراک ئَ چہ25 مردم شہید ئُُ 30 ئَ چہ گیش ٹپیگ بوتگ اَنت۔ شہید بوتگیں مردم آنی تہ ئَ مولانا عبدالغفور حیدری ئِ ڈرائیور ئُ پی ایس ھم ھوار اَنت۔ پولیس ئِ رد ئَ آدینگ ئِ روچ ئَ مستونگ ئَ ھما وھد ئَ تراک بوت وھدیکہ ڈپٹی چیئرمین سینیٹ عبدالغفور حیدری مدرسہ ئَ دستار بندی ئِ مراگش ئِ بھر زوری ئَ واتر روگ ئَ اَت ایشی ئِ سبب ئَ بیست ئُُ پنچ مردم شہید ئُُ سئی ئَ چہ گیش مردم ٹپیگ بوت اَنت۔ تراک ئَ پد ریسکیو ئُُ سیکورٹی کارندہ آں جاھ ئَ را چپ چاگرد کُرت ئُُ کمک چست ئُُ ایر بندات کُت اَنت۔ ڈپٹی چیئرمین سینیٹ مولانا عبدالغفور حیدری ئَ را سی ایم ایچ روان دیگ بوتگ۔ آھودا آرا جان سلامتی کمک دیگ بوھگ ئَ اِنت۔ پیسریگیں سر وزیر بلوچستان میر جان محمد جمالی ئَ ڈپٹی چیئرمین ئِ سر ئَ ارش ئُُ تراک ئَ چہ ٹپیگ بوتگیں مردم آنی گوما ڈکھ ئِ درشان کُت۔ãã
