بیجنگ۔ 12 مئی (اے پی پی) مزن وزیر محمد نواز شریف ” ون بیلٹ، ون روڈ” فورم ئَ بھر زوری ئِ ھاترا آدینگ ئِ روچ ئَ اِدا سر بوت، آئی ئَ را اے تر ئُُ تاب ئِ دعوت چینی صدر ڑی جن پنگ ئَ داتگ۔ بیجنگ انٹرنیشنل ائیر پورٹ پروائس چیئمین بیجنگ میونسپل چینی اُلسی سیاسی شور بندی کانفرنس لی شی چیانگ ئُُ پاکستان ئَ چین ئِ سفیر سن وائی دونگ ئُُ ٹوھیں کارندہ آں مزن وزیر ئُ بیگم کلثوم نواز ئَ را وش اَتک کُت۔ پاکستان ئِ سفیر مسعود خالد ھم اے موہ ئَ ساڑی اَت۔ سٹیٹک گارڈز ئِ ورنا ں آں مزن وزیر ئَ را سلامی دات۔ دود ربیدگی پوشاک آنی تہئَ دو کسانیں زھگ آں مزن وزیر ئُُ مزن وزیر ئِ لوگ بانک ئَ را پُل آنی گلدستہ دات۔ مزن وزیر ئِ ھمبراھ ٹولہ ئِ تہ ئَ سروزیر پنجاپ شہباز شریف، سر وزیر سندھ مراد علی شاہ، سر وزیر خیبر پختونخوا پرویز خٹک ئُُ سر وزیر بلوچستان نواب ثنا ءاللہ زہری ئَ ھوار ایندگہ ٹوھیں کارندہ ھوار اَنت۔ ایشی ئَ ابید ٹولہ ئِ تہ ئَ وزیر ئِ ھزانگ اسحاق ڈار ، منصوبگ بندی ئُُ دیمروئی ئِ بُنجاھی وزیر احسن اقبال ، وزیر ئِ تجارت انجینئر خرم دستگیر خان، وزیر ریل گاڑی خواجہ سعد رفیق ، انفارمیشن ٹیکنالوجی ئِ وزیر ئِ مملکت انوشہ رحمٰن، درئی کارانی بابت ئَ مزن وزیر ئِ مشیر سرتاض عزیز ھم ساڑی اَت۔وتی تر ئُُ تاب ئِ سااھت ئَ مزن وزیر محمد نواز شریف 14ئُُ 15مئی ئَ بیجنگ ئَ چین ئِ حکومت ئِ چیر دستی ئَ میاں اوستمانی کمک ئِ ھاترا ون بیلٹ ون روڈ فورم ئَ بھر زوری کنت ایشی ئِ تہئَ 27 ملک آنی سروک ئُُ مملکت ئُُ ٹوھیں کارندہ بھر زوری کن اَنت۔
