اسلام آباد۔12مئی ( اے پی پی) مسلم لیگ(ن) ئِ رہنما ءُ بنجاھی سیکرٹری اطلاعات سینیٹر مشاہد اللہ خان ئَ گشتگ کہ ڈان لیکس ئِ جیڑھ تاں وتی آسرئَ سربوھگ ئَ مردم سک باز دلپروش بوتگ اَنت۔ مہ گپتارئِ نہ کردارئِ ھم غازی اَنت، پی پی پی ئِ دورئِ حکومت ئَ بیس کلاکاں لوڈشیڈنگ بوتگ، آیوکیں گچین کاری ئَ چہ پیسر لوڈشیڈنگ ھلاس بیت۔ جمعہئِ روچئَ مزن گسئِ ڈنئَ ھال درئِ گوما گپءُ ترا ن کنان ئَ آئی ئَ گشتگ کہ لوڈشیڈنگئِ تہا سک باز کمی بوتگ۔ آ مردم کہ مرچی لوڈشیڈنگئِ سرئَ بیان دیئگئَ اَنت آھانی حکومتئِ دورئَ20کلاکانی لوڈشیڈنگ بوتگ، مرچی 4ئَ چہ 6کلاکاں لوڈشیڈنگ بوھگئَ اِنت وھدے کہ لوڈشیڈنگ ئِ جاورھال ئِ تہا باز گہتری اَتکگ کہ ایشیئِ مزنیں سوب نوکیں توانائی ئِ منصوبہ ئَ لینئِ پیداوار بندات کتگ ءُ ہزاراں میگاواٹ لین پیدا کتگءُ سسٹم ئِ تہا مان کتگ۔ آئی ئَ گشتگ کہ 2018ئِ عام گچین کاری ئَ چہ پیسر لوڈشیڈنگ ئِ ھلاسی کنگ بیت۔
