اسلام آباد۔ 12مئی ( اے پی پی) مزن وزیر محمد نواز شریف چینی صدر شی جن پنگ ئِ دعوتئِ سرئَ یک ھپتگئِ ھاترئَ چینئِ ترءُ تابئَ رھادگ بوتگ۔ مزن وزیرئِ ھمراھ رﺅکیں ڈل ئِ تہا پنجاپئِ سروزیر شہباز شریف، سندھ ئِ سروزیر مراد علی شاہ، خیبر پختونخوا ئِ سروزیر خٹک ءُ بلوچستان ئِ سروزیر ثناءاللہ زہریئَ ھوار دگہ بازیں حکام ءِ مردم ھوار اَنت۔ ایشیئَ ابید ڈل ئِ تہا ھزانگئِ وزیر اسحاق ڈار، منصوبہ بندی ءُ دیمروئی ئِ بنجاھی وزیر احسن اقبال ، تجارت ئِ وزیر انجینئر خرم دستگیر خان وزیر ریلوے خواجہ سعد رفیق، انفارمیشن ٹیکنالوجی ئِ ملکی وزیر انوشہ رحمن ، دری کارانی ھوالگئَ مز ن وزیر ئِ صلہ کار سرتاج عزیزھم ھوار اَنت۔ وتی ترءُ تابئِ تہا محمد نواز شریف 14ءُ 15 مئی ئَ بیجنگ ئَ چین ئِ حکومت ئِ چیردستی ئَ میاں اوستمانی کمکئِ ھاترئَ ون بیلٹ ون روڈ فورم ئَ ھوار بیت۔
