برلن۔12مئی ( اے پی پی) جرمن زانت کارانی گشگ اِنت کہ سھریں مرچ سینگ ئِ وروکی ئَ را گرءُ دار کنگئَ کمک دنت۔ یونیورسٹی آف بونئِ زانت کار جینیاتی تحقیق ئَ چہ سینگ ئِ وروکیئِ بازیں کسم دیمئَ اَتکگ کہ آ سئے ریسپٹرز ئِ ساڑی بوھگئَ یا ساڑی نہ بوھگئِ سوبئَ بھر کنگ بیت ءُ آئی ئَ را ایسٹروجن، پروجیسٹیرون ءُ ایپی ڈرمل گروتھ فیکٹر ریسپٹرٹو( یا ایچ ای آر ٹو) ئِ نام دیئگ بوتگ۔ زانتکاراں گشتگ کہ ایچ ای آر ٹو پوزیٹو ئِ بریسٹ کینسر علاج ئِ تہا ارزان اِنتءُایشیئِ تہا دوا ھم اثر کن انت بلے اگاں ایچ ای آر ٹو نگیٹو بہ بیت گڈا آئی ئِ علاج مشکل بیتءُ ایشیئَ را ٹرپل نیگیٹو بریسٹ کینسر گشگ بیت۔ ایشیئِ علاج کیمو تھراپی ئَ چہ بوت کنت ءُ باز گران اِنت۔ زانتکاراں گشتگ کہ سُھر یں مرچانی تہا استیں کیپسیسن مرکب کسم ئِ وروکی ئَ را دیمئِ رﺅگئَ گرءُ دار کنت۔ زانت کار اُمیت ئِ تہا اَنت کہ گیش پٹءُ پولئَ پد سیلیں نادراھی بریسٹ کینسرئِ علاج ئِ راھ پچ بنت۔
