اسلام آباد۔12مئی (اے پی پی) مستونگ بمب تراک ئَ پد جمعیت علما ءاسلام ئِ رہنما ءُ سینیٹ ئَ ڈپٹی چیئرمین مولانا عبدالغفور حیدری ئَ گشتگ کہ آ تراک ئِ تہا کمو ٹپیگ بوتگ ءُ آئی ئَ را کمبائنڈ ملٹری کوئٹہ ئَ برگ بوھگئَ اِنت۔ نجی ٹی وی چینل ئَ گوں گپءُ تران کنانئَ آئی ئَ گشتگ کہ بمب تراک آئی ئِ قافلہ ئِ نزیک ءَ بوتگ ءُ گاڑی ئِ دیمئِ شیشگءُ دروازگ پروشگءِ سوبئَ دست، گوش، لاپ ءَ ھوار سرجمیں بدنئِ سرئَ کم کمئَ ٹپ اَتکگ بلے ھمراھ ءُ دگہ مردماناں سک باز ٹپ اَتکگ۔ آئی ئَ گشتگ کہ تراک ئِ نتیجگئَ 10مردم شہید20ئَ چہ 25ئِ نزیک ئَ مردم ٹپیگ بوتگ اَنت۔ آئی ئَ گشتگ کہ آئی ئَ را طبی کمکءِ ھاترئَ سی ایم ایچ کوئٹہ ئَ برگ بوھگئَ اِنت۔ دھمکی ئِ ھوالگئَ جست کتگیں جستئِ پسوئَ آئی ئَ گشتگ کہ تچکئَ تچک دھمکی کسی نیمگئَ چہ دیئگ نہ بوتگ بلے اینگر آنگرءَ چہ ھال سر بوتگ اَنت راستیں جاورھال تحقیقات ئَ پد دیمئَ کیئت۔
