کوئٹہ ۔ 12مئی( اے پی پی) بلوچستانئِ سروزیر ثناءاللہ خان زہری ئَ مستونگ بمب تراک ئَ گران نیادیں جانانی تاوان بوھگءِ سرئَ گمءُ ڈُکھ ئِ درشانی کتگءُ وئیلئِ رپورٹ لوٹ اِتگ۔ سروزیر سیکرٹریٹ ئِ جاری کتگیں بیانئِ ردئَ سروزیر ثناءاللہ خان زہری ئَ تراکئِ تہا ڈپٹی چیئرمین سینیٹ مولانا عبدالغفوری حیدری ئِ رکھّگئِ سرئَ سدّکیئِ درشانی کتگ ءُ آئی جی پولیس ئَ چہ وئیل ئِ رپورٹ لوٹ اِتگ ءُ وئیل ئِ زمہ واریں مردماناں ھرچ وڑئَ دزگیر کنگئِ پرمان داتگ۔ سروزیرئَ محکمہ جانءُ سلامتی ئِ حکام ئَ را پرمان جاری کتگ کہ مستونگ تراک ئِ تہا ٹپیگ بوتگیں مردماناں علاج ئِ جوانیں آسراتی پھجارینگئِ ھاترئَ اِشتاپی بنیاتئَ گامگیج چست کنگ بہ بیتءُ اے ھوالگئَ کمیءُ جان بڈّی سگءُ اوپار کنگ نہ بیت۔
