کوئٹہ۔11مئی ( اے پی پی) بلوچستانئِ سروزیر ئِ کوارڈیننٹر غازی خان پندرانی ئَ گشتگ کہ مسلم لیگ(ن) وانگءُ زانگئِ وسیلگئَ راجاناں دیمروئی ئِ رھبندآں چہ سرپد اِنت، دیمروئی ئِ ھاترئَ امنءُ ایمنیءُ وانگءُ زانگئَ چہ مستریں سلاھ دگہ ھچ نیست، کجام ھم چاگردئِ دیمروئی ئِ تہا وانگءُ زانگ بنکی کرد پیلو کنت، اقتصادی راہداری خطہ ئِ بھتئَ مٹ کنت ءُ پاکستانئِ ھاترئَ ھاسیں بُن اِشتے بیت، بلوچستانئِ اُلسئِ باندات روژناھ اِنت ءُ ھمےں سوب اِنت کہ سی پیک بلوچستان ئَ ھوار خطہئِ ھاترئَ گیم چینجر ے بیت۔ اے ھیالانی درشانی آئی ئَ ” اے پی پی“ ئِ گوما گپءُ تران کنانئَ کتگ ۔ غازی خان پندرانی ئَ گشتگ کہ پاکستان مسلم لیگ(ن) بلوچستانئِ سروزیر نواب ثناءاللہ خان زہری ئِ سروکی ئَ مھکم بوتگ ءُ آئی ئِ جوانیں پالیسی ئَ چہ صوبہ ئِ تہا زھباریئِ مارشت ھلاس بوھگئَ اَنت، بنجاھیءُ صوبائی حکومت ناشرکاری ئِ ھلاسئِ ھاترئَ یک جاھ اَنت۔ آئی ئَ گشتگ کہ اقتصادی راہداری پاک چین سیادی ئَ را نوکیں بلندیئَ بارتءُ سر کنگءُ دوھیں دوھیں ملک آنی درنیانئَ سیادی ئَ را گیش مھکم جوڈ کنگئَ کمک دنت، سروزیر ئِ کوآرڈیننٹر ئَ گشتگ کہ پاک چین اقتصادی راہداری منصوبہ ئَ چہ بلوچستان ئِ تہا تجارتءُ صنعت ئَ را گیش کنگءُ دیمروئی ئُ وشھالیئِ دورئِ بندات بیت وھدے کہ بے روزگاری ئِ تہا کمیءُ زرکاری ئِ تہا گشادی ءُ بیپاریئَ پراھءُ شاھگانی رسیت۔ آئی ئَ گیش گشتگ کہ بدواھ بے بنیں پندل سازگءُ ارزانیءَ نام کٹّگ لوٹ اَنت بلے مزن وزیر ئَ را پاکستانئِ دیمروئی ئَ چہ کس داشت نہ کنت آﺅکیں گچین کاری ئِ تہا مسلم لیگ ن ئِ کردئِ بنیادئَ سرجمیں پاکستان ئِ تہا کلین سویپ کنت۔
