چیچہ وطنی۔11مئی( اے پی پی) مزن وزیر محمد نواز شریف ئَ چیچہ وطنی ئَ را موٹر وے ئَ گوں ھم دپ کنگءُ گیس ئِ پھجاری ، گہتریں وانگءُ زانگی آسراتی ئَ ھوار دیمروئی منصوبہ آنی جار جتگءُ گشتگ کہ پاکستان دیم روئی کنگئَ اِنت ، لھتیں سالاں دیم روئی ئِ بُرزی ئَ رﺅتءُ سر بیت ءُ دگنیا ئَ وتی جاگہ پیداک کنت نوک نوکیں بھتان جنگءُ دروگ بندوک پاکستانئِ دودءُ ربیدگ ئَ چہ سرپد نہ انت، اُلس بے ننگیں زبان کارمرز کنوکانی ھمراھی داریئَ یل کنگئَ اَنت، مہ پنچ سالاں پد وتی ھسابئَ دیئاں ءُ بدواھ آں وتی ھساب دیئگ لوٹ ایت۔ آئی ئَ اے گپ پنچ شمبے ءِ روچئَ اِدئَ 23کروڑ ئِ ھرچءَ چہ دلوت منڈی ءِ بُن اِشت ایر کنگئِ مراگش ئِ موھئَ مزنیں مُچی ئَ گوں تران کنانئَ کتگ۔ اے موھئَ راجی اسمبلی ئِ باسک محمد طفیل جٹ ئَ ھم تران کتگ۔ اے موھئَ مزن وزیرئَ ویٹرنری مزن شاہ دربرجاھ چیچہ وطنی کیمپس ئِ جوڈ کنگ ،چیچہ وطنی شہر ئِ ھاترئَ 25کروڑ ئِ گرانٹ، دگّانی ھاترئَ ھم 25کروڑ کلدار ءُ حلقہ 162ئَ لینئِ پھجاری ئِ ھاترئَ 10کروڑ کلدارئِ گرانٹ ئِ جارھم جتگ۔ آئی ئَ چیچہ وطنی ٹیکنیکل انسٹیٹیوٹ ئَ را اپ گریڈ کتگءُ ووکیشنل اینڈ ٹیکنیکل ٹریننگ انسٹیٹیوٹ جوڈ کنگ، گورنمنٹ ڈگری کالج ءُ گورنمنٹ ڈگری کالجز گرلز ئِ تہا ایم اے ئِ کلاس آنی بندات کنگئِ جار ھم جتگ۔ مزن وزیر ئَ چیچہ وطنی ئِ حلقہ 226, 225, 163,162ئِ ھاترئَ سوئی گیس ئِ پھجارینگئِ ھم جار جتگ۔ مزن وزیر ئَ گشتگ کہ مسلم لیگ (ن) ئِ حکومت ئِ تہا پاکستان دیمروئی کنگئَ اِنت، ناشرکاری، بیم کاری ، لوڈشیڈنگ ئَ ھوار ملکئِ ایندگہ جیڑھءُ جنجال گرءُ دار کنگ بوھگئَ اَنت۔ آئی ئَ گشتگ کہ سرجمیں ملک ئِ تہا لینئِ بازیں کارخانہ آناں چہ لوڈشیڈنگ دائمی ھلاس کنگ بیت، موٹرز وے ءُ دگانی جوڈ کنگئَ چہ دھکاناں منڈیءُ دگہ شہرآں وتی نیوگءُ سامان ئِ سرکنگئَ آسراتی رسیت، دھکانانی ھاترئَ یوریا، ڈی اے پی ءُ ٹیوب ویل ئِ لینئِ نیاد کم کنگ بوتگ۔ آئی ئَ گشتگ کہ پاکستان ئَ چہ ناشرکاری ھلاس بوھگئَ اِنت ءُ ناشرکاراناں مہ پروش داتگ اے اللہ تعالیٰ ئِ مزنیں رحم اِت مئے سرئَ۔
