اسلام آباد۔11مئی ( اے پی پی) تہی کارانی وزیر چوہدری نثار علی خان ئَ گشتگ کہ سول ملٹری سیادی ئَ را سرجمیں دگنیائِ تہا حساس لیکگ بیت، ایشی ئِ سرئَ نہ تماشہ کنگ بہ بیتءُ نہ سیاست کنگ بہ بیت، اے جیڑھ نوں ھلاس بوتگ، ایشی ئِ سرئَ بیان بازی کنگ ابکا ءُ پریشان کنت، نوں مارا دیمئَ کنزگ لوٹ ایت، ڈان لیکس ئِ جیڑھ ئِ سرئَ نہ کستءُ کینگ ، لھتیں پروسیجرل اختلاف بوتگ اَنت آ نوں ھلاس بوتگ اَنت ، سول ملٹری کستءُ کینگ ودی کنگ پاکستان ئِ دژمنانی واھشتءُ کوشست اِنت، وت مہ وتی ءُ نزیکی آنی امیچو ضلورت کہ مرچی اِنت پیسرئَ نہ بوتگ۔ پنچ شمبے ئِ روچئَ پریس کانفرنسئَ گوں تران کنانئَ تہی کارانی وزیر چوہدری نثار علی خانئَ ڈان لیکس ئِ ھوالگئَ صحافی آنی جُستانی پسو داتگ ءُ گشتگ کہ ڈان لیکس اینچوکیں مزنیں جیڑھے نہ اِت کہ اے جوڈ کنگ بوتگ ، حکومت ئَ را اگاں چیزے چیر دیئگی بوتیں گڈا پیسر ئَ یکے کمیٹی ، پدا یک مزنیں کمیشنے جوڈ نہ کت کہ ایشی ءِ تہا دراھیں سٹیک ہولڈرز ساڑی بوتگ اَنت اے درس شرپ مندیں ءُ سینئر مردم بوتگ اَنت، سول ملٹری سیادی ئِ تماشہ کنگ مہ بیت ، اے حساس جیڑھ اِتءُ سرجمیں دگنیائَ اے ھساسیں نوعیت ئِ جیڑھ لیکگ بیت ، ایشی ئِ سرئَ سیاست کنگ مہ بیت ءُ نہ دگہ جاگہ ئَ بیت، تنا پاکستان ئَ اے جیڑھءِ سرئَ سیاست کنگ بیت، ملکءُ اُلس ئَ را جیڑھءُ جنجال ئِ دیمپانی کنگ بوھگئَ اِنت، سول ملٹری سیادی ئِ تناظر سیاسی نہ راجی اِت، اے حساسیں جیڑھئِ سرئَ نہ کچہ چینی کنگ بہ بیت ءُ بے پاھدیگیں ھیالءُ لیکہءُ ڈرامہ بازی ئِ ضلورت اِنت۔
