اسلام آباد۔ 11 مئی (اے پی پی) تہی کارانی وزیر چوہدری نثار علی خان ئَ گوں آئی جی فرنٹیئر کور خیبر پختونخوا (ساﺅتھ) میجر جنرل خالد جاوید ئَ پنچ شمبے ئِ روچ ئَ دِدا گند ئُُ نند کُت۔ تہی کارانی وزیر ئَ آئی جی فرنٹیئر کور کے پی کے ساﺅتھ ئِ اُگدہ ئِ سر ئَ بوھگ ئِ مبارک بات دات۔ وزارت ئِ تہی کارانی نیمگ ئَ جاڑی بوتگیں بیان ئِ رد ئَ تہی کارانی وزیر ئَ گوشت کہ صوبہ ئِ خیبر پختونخوا ئَ ایمنی ئِ برجائی، تہی سیکورٹی ئِ را دل یکیمی کنگ ئُُ روبرکتی سدیم سر آنی رکھینگ ئِ رد ئَ فرنٹیئر کور ئِ ورنا ئُُ اپسرگ آں بے کساس کربانی داتگ۔ سرجمیں راج اے کربانی آناں شرپ مندیں نگاہ آں چار ایت۔ آئی ئَ گوشت کہ پاک اُرد ئُُ فرنٹیئر کور ئِ کربانی آنی نتیجگ ئَ صوبہ ئِ خیبر پختونخوا ئُُ صوبہ ئِ بلوچستان ئَ ھاسیں ئُُ سرجمیں ملک ئَ ایمنی برجا بوتگ۔ آئی ئَ گوشت کہ نوکیں زمانگ ئِ لوٹ آنی رد ءَ ، پڑ ئِ جاور آھال ئُُ ھاسیں رنگ ئَ سی پیک ئِ رد ئَ ، فرنٹیئر کور ئِ ورنا آنی ھیل کاری ئُُ آوانی کار پڑئَ را گیش کنگ ئِ سرئَ ھاسیں دلگوشی دیگ ئِ ضلورت اِنت۔ وزیر ئِ تہی کار ئَ گوشت کہ حکومت ئَ سول آمڈذ فورسز ئِ نوکیں ونگز جوڑ کنگ ئِ رد ئَ 80ارب ھرچ ئُُ درچ کتگ، فرنڑیئر کور ئِ اِزمکاری ئَ را گیش ودینگ ئُُ آئی ئِ آپریشنل ضلورت آناں پیلو کنگ ئِ ھاترا ھمک نمونگ ئِ کوشست کنگ بہ بیت۔
