اسلام آباد۔ 15 نومبر (اے پی پی) سپریم کورٹ آف پاکستان توہین الیکشن کمیشن کیس انا سماعت نا وخت آ پی ٹی آئی نا چیئرمین عمران خان، فواد چوہدری و اسد عمر ءِ نوٹس جاری کرینے۔ سے شنبےنادے آ داڑے کیس انا سماعت عدالت عظمیٰ ٹی چیف جسٹس آف پاکستان جسٹس عمر عطابندیال نا کماشی ٹی مسہ باسکی بنچ کرے۔ سماعت اٹی چیف جسٹس آف پاکستان ریمارکس تس کہ الیکشن کمیشن آرٹیکل 186 اے آ سیبو کننگ ءِ۔ نن ہُننگ خوانہ کہ انت سپریم کورٹ انا کنڈآن چندی ہائی کور ٹ آتا کیس آتے یکجا کننگ نا فیصلہ نا درور ساڑی ءِ؟ اوپارے کہ چندی ہائی کورٹ آتیٹی پدسلوک کیس آتے یکجا کننگ کن زیر سماعت کیس آتیٹی کانودی ٹک اسٹ مننگ المی ءِ۔ جسٹس عمر عطابندیال استفسار کرے کہ ہائی کورٹ آتیٹی توہین الیکشن کمیشن کیس آتیٹی درخواست گزار دیر ءُ؟ سپریم کورٹ ہراآئینی اختیار نا رداٹ ہائی کورٹ آتیٹی پدسلوک کیس آتے یکجا کننگ نا پرمان تننگ کیک؟ جسٹس عائشہ ملک سماعت اٹی تینا ریمارکس اٹی پارے کہ پیمرا کیس آتیٹی سپریم کورٹ گونداکہ ہائی کورٹ آتا کیس آک چلینگسا کیر۔ یکجامفسہ۔ داوخت آ جسٹس اطہر من اللہ پارے کہ سپریم کورٹ ہی جج کمکار آتا کیس اٹی غٹ ہائی کورٹ آتا کیس آتے یکجا کریسس۔ الیکشن کمیشن نا وکیل داوخت آ عدالت ءِ پارے کہ سپریم کورٹ 1999 ٹی چندی ہائی کورٹ آتیٹی زیر التوا انکم ٹیکس کیس آتے یکجا کننگ نا پرمان کریسس۔ اوپارے کہ ہائی کورٹ آتیٹی الیکشن کمیشن نا برخلاف عمران خان، فواد چوہدری و اسد عمر کیس کرینو۔ چندی ہائی کورٹ آتیٹی اسہ ہی وڑنا کیس آتیان متضاد فیصلہ مریک۔ داوخت آ جسٹس عائشہ ملک پارے کہ متضاد فیصلہ غاک ہراتم سپریم کورٹ آ بریر تو اوفتا فیصلہ مریک۔ ہراڑا الیکشن کمیشن نا وکیل موقف تینا کرے کہ توہین الیکشن کمیشن کیس اٹی ہائی کورٹ آتا حکم امتناع ہم سپریم کورٹ اٹی چیلنج کننگانے۔ عدالت عظمیٰ داوخت آ گونداکہ الیکشن کمیشن چندی ہائی کورٹ آتیٹی زیر التواء کیس آتے اسہ ہائی کورٹ اسے ٹی گدریفنگ نا درخواست کرینے۔ الیکشن کمیشن نا موقف ءِ کہ بلدیاتی و جنرل گچین کاری تا تیاری کیر یا کیس آتون مون ایتر۔ الیکشن کمیشن سپریم کورٹ نا پرمان اٹ کیس آتے یکجا کننگ نا عدالتی نظائر اس ہم پیش کرے۔ سپریم کورٹ الیکشن کمیشن نا حکم امتناع نا برخلاف اپیل آتے سماعت کن مقرر کننگ نا پرمان و عمران خان، فواد چوہدری و اسد عمر ءِ نوٹس جاری کرسا باندات نا سماعت ءِ 15 دے اسکان پدبٹے۔
