اسلام آباد۔ 11 مئی (اے پی پی)سرجمیں ملک ئَ نندوکیں رجسٹرڈ نہ بوتگیں اوگان لڈ ئُُ بار کنوک آنی رجسٹریشن ئِ ھوالگ ئَ وزارت ئِ سیفران ئُُ نادرا ئِ نیام ئَ پنچ شمبے ئِ روچ ئَ وزارت ئِ سیفران ئَ یک منوگری ئِ سر ئَ دست چنگل ئِ جنگ بوت۔اے موہ ئِ سر ئَ وزیر ئِ سیفران لیفٹیننٹ جنرل (ر) عبدالقادر بلوچ ئَ گوشت کہ کساس 6لکھ رجسٹرڈ نہ بوتگیں لڈ ئُُ بار کتگیں اوگاں انوگ ئَ تاں پاکستان ئَ ساڑی اَنت، اوگان لڈ ئُُ بار کتگیں مردم اانی ڈیٹا بیس ئَ چہ نہ ایوک ئَ بلوچستان ئِ دور ئُُ گستائیں دمگ آں اوگان لڈ ئُُ بار کتگیں مردم آنی تسدیک کنگ بیت بلکینگ ئَ اے مردم شماری ئِ ھاترا سک باز کمک ھم رسیت۔ آئی ئَ گوشت کہ رجسٹرڈ نہ بوتگیں اوگان لڈ ئُُ بار کتگیں مرد آناں رجسٹریشن ئِ ھاترا 21رجسٹریشن سنٹر ئُُ موبائل سنٹر پچ کنگ بیت ایشی یے نتیجگ ئَ اوگان لڈ ئُُ بار کتگیں مردم آناں کشاں چیل ئَ چہ رکھینگ بیت۔ بُنجاھی وزیر ئَ گوشت کہ صوبائی حکومت ھم اے رد ئَ گیش کمک کن اَنت۔ آئی ئَ گوشت کہ رجسٹریشن ئِ اے کار 10ماہ ئَ سرجم کنگ بیت وھدیکہ جولائی ئَ ایشی ئِ بندات رجسٹریشن سنٹر ئِ برجائی ئَ بندات کنگ بیت۔
