اسلام آباد۔ 11 مئی (اے پی پی) سپیکر قومی اسمبلی سردار ایاز صادق ئَ پاکستان ئُُ بیلاروس ئِ نیام ئَ اُلسی پڑ ئَ یکوئی ئِ تہ ئَ گیشی ئُُ پارلیمان ئِ نیام ئَ کمک ئَ را گیش دیمروئی دیگ ئِ ضلورت ئِ سر ئَ زور پر دات۔ آئی ئَ اے ھیالانی درشانی پاکستان ئَ بیلاروس ئِ سفیر اینڈری علمورووچ ئَ گوں گپ ئُُ تران کنان ئَ گوشت کہ آئی ئَ پارلیمنٹ گس ئَ سپیکر ئَ گوں گند ئُُ نند کتگ اَت۔ سپیکر ئَ دوئیں ملک آنی چیمبر آف کامرس ئُُ ایندگہ تجارتی فورمز آنی نیام ئَ رابطہ آناں ودینگ ئُُ وت مہ وتی سیادی ئَ را گیش شائیگان کنگ ئِ ضلورت ئِ سر ئَ زور پر دات۔ آئی ئَ گوشت کہ پاکستان بیلاروس ئِ زراع، تجارت ئُُ صنعت ئِ شوبگ آں چہ سیتکار بوھگ ئِ جھلانکیں ھُب ئُُ واھگ دار ایت۔ بیلاروس ئِ سفیر ئَ سپیکر ئَ گوں تپاک کنان ئَ گوشت کہ بیلاروس ئِ پارلیمان پاکتان ئِ پارلیمان ئِ گوما سیادی ئَ را دیمروئی دیگ ئِ واھشت دار اِنت تانکہ دوئیں ملک آنی تہ ئَ دوستی ئُُ یکوئی ئَ را کمک ئُُ گیشی کنگ بہ بیت۔
