اسلام آباد۔ 11 مئی (اے پی پی) پاکستان ئَ بھارت ئِ ڈپٹی ہائی کمشنر جے پی سنگھ ئَ را درئی کارانی کارگس ئَ گوانک جت ئُُ لائن آف کنٹرول ئِ بازیں سیکٹر آں انچو پہ دیم تیر گواری ئِ سر ئَ سکی ئَ زار شانی کُت ئُُ ترندی ئَ مذمت کُت۔ پنش مبے ئِ روچ ئَ درئی کارانی دارچین ئِ رد ئَ ڈائریکٹر جنرل (زرباری ایشیا ئُُ وسارک) ڈاکٹر محمد فیصل ئَ بھارتی ڈپٹی ہائی کمشنر ئَ درئی کارانی کارگس ئَ لوٹ کُت ئُُ چار ئُُ پنچ مشبے ئِ نیامی شپ ئَ تندر، شبز کوٹ، کھوئی رٹہ، بروح، باگسر ئُُ کھنجر سیکٹرز ئَ لائن آف کنٹرول ئِ سرئَ بھارتی فورسز آنی نیمگ ئَ انچو پہ دیم تیر گواری ئَ چہ سک باز زار شانی کُت۔ بھارتی فورسز ئِ تیر گواری ئَ چہ سبز کوٹ ئِ یک جھ منند محمد رضوان شیہد وھدیکہ زالبول ئَ ھوار دو مردم ٹپیگ بوت اَنت۔ بھارتی ڈپٹی ہائی کمشنر ئَ را سرپدد کُت کہ شہری آناں نشانگ بندگ بوھگ ئَ اِنت ایش سک باز مذمتی ئُُ اپسوزی گپ اِت ایش بنی آدم آنی شرپ ئُُ میاں اوستمانی ھک آنی ھلاپ اِنت۔ ڈائریکٹر جنرل ئَ بھارت ئِ سرئَ زور پر دات کہ آ سیز فائر ئِ منوگری ئِ شرپ ئَ بندار آں ئُُ انوگیں سیز فائر آنی ھلاپ ورزی کنگ ئِ پٹ ئُُ پول ئَ بکن اَنت ئُُ بھارتی فورسز آناں ایل او سی ئِ ایمنی ئَ را برجا دارگ ئُُ منوگیر ئِ شرپ کنگ بوگش اَنت۔
