اسلام آباد۔ 11 مئی (اے پی پی) مزن وزیر محمد نواز شریف ئَ گوشت کہ آیوکیں مالی سال ئِ بجٹ ئَ بُرزیں، مھکمیں ئُُ ھواریں نمبگ ئِ در جنگ ئِ ھاترا دلگوشی کنگ بوھگ ئَ اِنت، کابینہ ممبر وتی دائر ئِ اختیار ئَ اے شوبگ آناں ترجی بدینت ایشی ئَ چہ اقتصادی نمبگ جوانتر ئُُ روزگار ئِ تہئَ گیشیں موہ پیداک بوت کن اَنت۔ آ پنچ مبے ئِ روچ ئَ اِدا بجٹ سٹریٹجی پیپر 20-2017ئِ بابت ئَ کابینہ دیوان ئِ سروکی کنان اَت۔ آئی ئَ گوشت کہ حکومت بنی آدم آنی مڈی ئُُ فزیکل کوکا ئِ تہ ئَ گیش سرمایہ کاری کنگ ئَ دل یکیم اَنت، اے بابت ئَ دیمروئی بجٹ ئِ تہ ئَ گیشی ئُُ گریبیئِ تہ ئَ کمیگ ئَ را دُرتاں چہ گیش ترجی دیلگ بیت۔ آئی ئَ گوشت کہ نوں وھد اتکگ کہ راج حکومت ئِ اقتصادی پالیشی آنی برورد ئَ چہ سیتکار بہ بنت۔ مزن وزیر ئَ کابینہ ئِ باسک آنی سرئَ زور پر دات کہ اے وڑیں گامگیج آنی شور بندی ئَ بکن اَنت کہ ھما آں چہ ’ہنڈی‘ ئُُ راج ئِ رسنکی ایندگہ ربیدگ ئَ چہ درئین آنی دلبڈی ئَ کانود ئِ رسانک ئَ در ملک ئِ شنگ کاری ئَ گیشی بوت بہ کنت۔ مزن وزیر ئَ سٹاک ایکسچینج مارکیٹ کیپیٹل لائزیشن ئَ را ساڑات کہ ایش زوت سد ارب ڈالر ئَ تاں سر بیت۔
