ننکانہ صاحب۔10مئی( اے پی پی) مزن وزیر محمد نواز شریف ئَ گشتگ کہ پاکستان آیوکیں لھتیں سالانی تہا خطہ ئِ ترندءُ مھکمیں طاقت ءُ ایشیائی ٹائیگر ءِ ارزشتئَ دیمئَ کیئت، کنجرابئَ تاں گوادرئَ مزنیں دگی نظامے جوڈ کنگ بوھگئَ اِنت کہ سیمسرآں چہ ڈن وسطی ایشیا ئَ را یکے دومی ئِ گوما ھم دپ کنت، مہ سیاسی بدواھ ئَ چہ نہ پیسرئَ ترسیتگ اَنت ءُ نہ دیم ئَ ترس اَنت ، دیمروئی ءُ وشھالی ئِ مولءُ مرادئَ جاری دار اَنت۔ چارشمبے ئِ روچئَ ایم تھری موٹر وے ئِ لاہور، عبدالحکیم سیکشن ئِ کارئِ تپاسی کنگئِ موھئَ مراگش ئَ گوں ترا ن کنانئَ مزن وزیر ئَ پراجیکٹئَ را وتی وھدئَ چہ چارماھ پیسر سرجم کنگئِ سرئَ این ایچ اے ءُ چینی ادارگئَ را دادءُ سلام پیش کتگ۔ آئی ئَ گشتگ کہ من این ایچ اے ئِ چیئرمین ءُ آئی ئِ ٹیم ئِ باز منت وار اَنت کہ آھاں جزم پیش داشتگ۔ آئی ئَ گشتگ کہ بلوچستانئَ ھوار پنجاپ، گلگت بلتستان ءُ کشمیر ئَ مزن مزنی منصوبہ آنی سرئَ کار جاری اِنت۔آئی ئَ گشتگ کہ من اے منصوبہئِ چارءُ تپاسی کنگئِ ھاترئَ اِدئَ اَتکگ اُوں تنکہ اے کارئِ رواج ئَ بہ چار ایں۔ آئیئَ گشتگ کہ پاکستان ئِ راج دپتر ئِ تہا اولی رندئَ انچوکیں مزنیں کساسے ئَ دگّ، موٹرویز، ہائی ویز ءُ ایکسپریس ویز جوڈ بوھگئَ اَنت۔ آئی ئَ منصوبہ ئِ سرئَ کار کنوکاناں دادءُ سلام پیش کتگءُ گشتگ کہ خنجراب ئَ تاں گوادر ئَ 2600کلومیٹر دراج بُھریں ہائی وے جوڈ بوھگئَ اِنت ایشی ئَ چہ نہ تنا پاکستان بلکیں وسطی ایشیائی ریاست آناں گوادر ئِ وسیلگ ئَ تجارتی آسراتی سر بنت ۔ آئی ئَ گشتگ کہ اپوزیشن بہ ایتءُ تعمیراتی منصوبہ آنی تپاسیئَ بہ کنت، اے دیمروئی منصوبہ یک آشوبے ئَ چہ کم نہ اِنت۔
