لاہور۔10مئی ( اے پی پی) مزن وزیر محمد نواز شریف ئَ چارشمبے ئِ روچئَ اِدئَ پیسرگیں صدر رفیق تارڑ ئِ لوگ جی او اآرون ئَ آئیئِ زمات پیسرگیں ڈی آئی جی میجر(ر) مبشر اللہئِ بیرانئِ سرئَ دلپدریئِ درشانی کتگ۔ مزن وزیر ئَ ھُدا مُرزی ئِ جوانیں آکبت ئِ ھاترئَ پاتحہ وانی ءُ آئی ئِ مزنیں درجگانی ھاترئَ دعا لوٹ اِتگ۔ کشمیر امور ئِ بنجاھی وزیر برجیس طاہر ھم مزن وزیرئِ ھمراھ بوتگ وھدے کہ وزیر مملکت ہیلتھ سروسز سائرہ افضل تارڑ ھم آھودہ ساڑی بوتگ۔ اے موھئَ مزن وزیر ئَ پیسرگیں صدر رفیق تارڑ ئِ ھال ءُ اھیوال جست کتگ ۔ یا ت کنگ بہ بیت کہ پیسرگیں صدر رفیق تارڑ ئِ زمات وروکی ئِ نادراھی ءِ آماچ بوتگ کہ گوستگیں ماھ 15اپریلئَ بیران بوتگ، آئیئَ را علاجئِ ھاترئَ ڈنی ملکئَ ھم برگ بوتگ بلے آ بیران بوتگ۔
