اسلام آباد۔ 10مئی (اے پی پی) وزیر ئِ مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئَ گوشت کہ نوکیں زمانگ ئِ لوٹ آنی رد ئَ بنی آدمی مڈی آنی دیمروئی دیگ ئَ را دل یکیمی کنگ ئِ ھاترا بُنجاھی ئُُ صوبائی حکومت جوانیں زانشت ئِ برجائی ئَ ترجی دیگ ئَ اَنت، پاکستان دُگنیا ئِ تہ ئَ وتی جوانیں پجار ئِ سہرا کنگ ئَ اِنت، دیمروئی ئِ ھاترا معیشیت ئِ زانش سک باز المی اِنت، پاکستان ٹیلی ویژن وانگ ئُُ زنگ، بنی آدم آنی مڈی ئِ دیمروئی ئُُ زھگ آنی بابت ئَ چینل ئِ بندات ئَ زوت کنت، توامیں چینل پاکستان ئِ جوانیں پجار ئَ را سہرا بکن اَنت۔ آئی ئَ اے ھیالانی درشانی چار شمبے ئِ روچ ئَ اِدا ایجوکیشن ایکسپو ئَ گشتانک دیان ئَ کُت۔ وزیر ئِ مملکت ئَ گوشت کہ بنی آدم آنی مڈی آنی دیمروئی ئِ واستہ زانشت ئِ شوبگ ئَ سرمایہ کاری کنگ بوھگ ئَ اِنت ایشی ئَ چہ ملک ئَ زانشتی سبب ئَ معشییت ئَ دیمروئی کنگ ئَ کمک رسیت۔آئی ئَ گوشت کہ حکومت پنجاپ ئَ زانش آناں ڈیجیٹلائزڈ کنگ ئِ گام ایوکیں بُن ھشت اِنت، انوں نودربر رھشون ئُُ پت ئُُ مات صوبگ ئِ تہ ئَ آن لائن زانش ئَ چہ نپ چست کنگ ئَ آں، ایندگہ صوبگ آنی تہ ئَ اے رپک ئِ سر ئَ کار بوھگ ئَ اِنت۔ مزن وزیر ئِ زانشتی پروگرام آنی کسہ ئَ کنان ئَ وزیر ئِ مملکت ئَ گوشت کہ ایشی ئِ سئے مزنیں بھر اَنت، پروگرام ئِ چیر دستی ئَ سرکاری سکول آنی تہ ئَ اولی رند ئَ مانٹیسوری کلاسز پجار کنائینتگ بوتگ اَنت، اے دربر جاھ آناں نوکیں ٹرانسپورٹ ئِ نظام ئِ بندات کنگ بوتگ تانکہ دربر جاھ ئُُ کالج آنی نودربر آناں اے آسراتی بہ پُج اَنت۔
