اسلام آباد۔10مئی( اے پی پی) مزن وزیر ءِ راج دپتری ءُ لبزانکی ورثہ ءِ صلہ کار عرفان صدیقی ءَ گشتگ کہ پاکستانءُ ایران ءِ درنیامءَ جہلیں مذہبی، راج دپتری ، دودءُ ربیدگی سیادی جوڈ اَنت۔ اے سیادی آنی لوٹ اِنت کہ بازیں پڑآں کمکءِ نوکیں کشک درگیجگ بنت۔ آ پاکستان ءَ ایرانی کلچرل قونصلر شہاب الدین درائی ءَ گوں گپءُ تران کنگءَ بوتگ کہ آھاں چارشمبے ءِ روچءَ راج دپتریءُ لبزانکی ورثہ ڈویژن ءِ تہا مزن وزیر ءِ صلہ کارءَ گوں گندءُ نند کتگءُ وت مہ وتی لوٹ ءِ کارانی سرءَ ھیالءُ لیکی ءِ درشانی کنگ بوتگ۔ عرفان صدیقی ءَ گشتگ کہ پاکستانءُ ایرانءِ درنیام ءَ کتگیں بازیں چیزے یک وڑ اَنت، دوھیں ھمساھگ ءُ اسلامی برات مہ براتی ءِ سیادی ءَ گوں بندوک اَنت۔ سعدی شیرازی ءُ علامہ اقبال وڑیں مردم ءُ آھانی ھیالءُ لیکہ ءِ دروشمءَ مئے گورءَ یک مزنیں یک وڑیں ورثہ اَست۔ دوھیں ملک آنی اُلس ءِ درنیامءَ علمی ءُ لبزانکی سیادی آناں گیش کنگءِ ھاترءَ بازیں پروگرامے کنگءِ ضلورت اِنت۔ آئیءَ خطاطی ، اُردو ءُ فارسی کتابانی دوھیں زباناں رجانک ءُ لبزانکی کاراناں یکے دومی ءِ گوما بھر کنگءِ سُرءُ پُرآنی تہا گیشی ءِ سرءَ زورپِر داتگءُ گشتگ کہ دود ءُ ربیدگی سیادی آنی تہا گیشی کنگءِ ھاترءَ سرءُ سوجانی سرءَ ھیالءُ لیکہ ءِ درشانی کتگ۔
