پاکستان لتھوانیا دونیمگی سیاسی شورءُ صلہ ءِ پنچمی بھر
اسلام آباد۔10مئی (اے پی پی) پاکستان ءُ بالٹک ریاست لتھوانیا ءَ معیشت، بیپاری، توانائی ، زرکاریءُ وانگءُ زانگءَ ھوار بازیں پڑآنی تہا دونیمگی کمک ءِ سرءَ تپاک کتگ۔ اے تپاک چارشمبے ءِ روچءَ ولنیوس ءَ پاکستان لتھوانیا دونیمگی سیاسی شورءُ صلہ ءِ پنچمی بھر ءِ ھڈ کنگءِ وھدءَ کنگ بوتگ۔ دی کارانی جارچین ءِ ردءَ ایڈیشنل سیکرٹری (پورپ) ظہیر اے جنجوعہ ءَ پاکستانی ڈل وھدے کہ وزارت دری کارانی ڈائریکٹر برائے لاطینی امریکا، افریقہ ایشیا وپیسفک ءَ وتی ملک ءِ ڈلءِ سروکی کتگ۔ دوھیں فریق آں دونیمگی سیادی ءِ دراھیں تکءُ پھناتءُ ھمگرنچیں ملک آں امنءُ ایمنی ءُ سلامتی ءِ جاورھالانی چارءُ تپاسی کتگ۔ ایڈیشنل سیکرٹری ءَ اوگانستانءُ بھارت ءِ گوما امنءُ ایمنی ءِ گوما ھمسائیگی کنگءِ ھوالگءَ مزن وزیر ءِ وژنءِ ھوالگءَ شونشت کتگ۔ آئی ءَ اوگانستان ءَ امنءُ ایمنی ءُ مھکمی ءَ را گیش کنگءُ بھارت ءِ گوما کشمیرءِ جیڑھ ءَ ھوار دراھیں جیڑھ ءُ جنجال کہ گیشءُ گیوارکنگ بنت آھاناں سولءُ تران ءِ وسیلگءَ گیشءُ گیوار کینگءِ پاکستانءِ جزمءِ درشانی کتگ۔ آئیءَ اے موھءِ سرءَ گشتگ کہ مقبوضہ کشمیر ءَ بھارتی فورس آنی نیمگءَ چہ کشمیر آنی سرءَ زُلمءُ نہ ھکی ءَ را پدّر کتگ۔ دوھیں ملک آں معیشت ، بیپاری، توانائی ، زرکاری ، انفارمیشن ٹیکنالوجی ، سائنس و ٹیکنالوجی، وانگءُ زانگ ، دودءُ ربیدگ ءِ پڑآں دونیمگی کمکءَ را گیش کنگءِ سرءَ تپاک کتگ۔
