سیم سر آنی ددوئیں نیمگ ئَ ھزارانی کساس ئَ مساپر پس اِتگ اَنت
چمن۔09مئی(اے پی پی)بلوچستان ئِ سیم سری دمگ چمن ئَ اوگان فورسز آنی کاروائی ئِ پد پاک اوگان بارڈر انگت ئَ تاں سیل ئُُ نیٹو سپلائی ئُُ اوگان ٹرانزٹ بند اِنت۔ سیم سر ئَ دوئیں نیمگ ئَ گاڑی آنی درجیں لین ئِ اوشتاتگ ئُُ ہزارانی کساس ئَ مساپر پس اِتگ اَنت۔ سرجمیں ھال آنی رد ئَ پاک اوگان سیم سر ئِ ھد ئُُ ابیل ئِ جیڈھ ئِ سبب ئَ پاکستان ئُُ اوگان گورسز آنی نیام ئَ بازیں جھڑپ آں چہ پد مرچی پنچمی روچ ئَ ھم پاک اوگان چمن بارڈر ئَ باب ئِ دوستی بند اِنت ایشی ئِ سبب ئَ دوئیں ملک آنی نیام ئَ نیٹو سپلائی ئَ ھوار توامیں رنگ ئِ تجارت ئُُ پیادگ روگ ئُُ آیگ سرجمی ئَ بند انت۔ پاک اوگان فورسز آنی نیام ئَ کشاں چیل ئِ تہ ئَ کمیگ ئِ سبب ئَ دوئیں ملک آنی اُرد آنی نیام ئَ رابطہ جاڑی اَنت ئُُ مرچی دوئیں ملک آنی کارندہ آں پاک اوگان سیم سر ئِ سرئَ کلی جہانگیر ئُُ کلی لقمان ئِ تر ئُُ تاب کتگ ئُُ دمگ ئِ چار ئُُ تپاس ھم کتگ۔ جیولوجیکل سروے ئِ ٹیمب ھم آوانی ھمبرائی ئَ شتگ اَنت۔ دومی نیمگ ئَ سیم سرئی کشاں چیل ئَ پد چمن شہر ئَ زندمان ئِ جاور ھمروچگیں زند ئِ داب ئَ پیداک اَنت ئُُ توامیں وانگ ئُُ زانگی ادارگ پچ بنت ئُُ وانگ ئُُ زانگ ئِ کار ئَ برجا کن اَنت۔ شہر بازار ئُُ مارکیٹ ھم پچ بوتگ اَنت۔ پاک اوگان فورسز آنی نیام ئَ سیم سرئی جھڑپ ئِ سبب ئَ نہ گیشینتگیں وھد ئُُ پاس ئِ درگت ئَ مردم شماری ھم بندات کنگ بوتگ۔
