عمران خان بہانہ کنتءُ پنجاپئَ رﺅت ، خان صاحب پنجاپئَ رﺅتءُ گندیت کہ کارءُ کرد چیا گشنگ، مردمانی اَزمت ءُ ڈیویلپمنٹ چے اِت، پنجابئِ سروزیرئِ گیگانی ئَ تو کُت نہ کن اِت چیا کہ تئی مولءُ مراد مردمانی اِزمت کنگ نہ اِنت
10ارب کلدار ئِ لالچ دیئگ ئِ بھتانئَ عمران خانئَ را پنجاپ ئِ سروزیر ئِ نیمگئَ چہ نوٹس سر بیت، عمران خانئَ را گپ کنگ ئِ 10ارب کلدار دیئگ لوٹ ایت ، آ گپ کنت وت ئَ ر ا تاوان دنتءُ دومی ئَ را پاھدگ ، تو ملکئِ تہا کرپشن ئِ ٹھیکہ چست کتگ بلے خیبر پختونخوا ئِ احتساب کمیشن ئَ را کُبلے جتگ ، عمران خانئَ شاہ آمید گسئَ رﺅگئِ بدلئَ دگءُ کشک گچین کتگ اَنت
اسلام آباد۔08مئی ( اے پی پی) ھال ءُ اھیوالکاری ءُ شنگکاری ، راجی ورثہ مریم اورنگزیب ئَ گشتگ کہ عمران خان بہانہ جوڈ کنتءُ پنجاپئَ رﺅت ، خان صاحب پنجاپئَ رﺅت گیندیت کہ کارءُ کرد ، مردمانی اِزمت ءُ دیمروئی چے اِت ، پنجاپئِ سروزیر ئِ گیگانی ئَ عمران خان کُت نہ کنت چیا کہ تئی مولءُ مراد مردمانی ازمت کنگ نہ اِنت ، 10ارب کلدار دیئگ ئِ لالچ ئِ بھتان ئَ عمران خانئَ را پنجاپءِسروزیر ئِ نیمگئَ چہ زوت نوٹس سر بیت، عمران خان ئَ ر ا گپ کنگئِ 10ارب کلدار دیئگ لوٹ ایت وھدے کہ آ گپ کنت وتی تاوان ئَ ءُ دومی ئِ پاھدگ دنت، تو ملکئِ تہا کرپشن ئِ ٹھیکہ چست کتگ بلے خیبر پختونخوا ئِ احتساب کمیشن ئَ را کُبلے جتگ ، عمران خان ئَ شاہ آمید گسئَ چہ تچگئِ ھاترئَ دگءُ کشک گچین کتگ اَنت ، آءُ آئی ئِ وکیل ھمک ادارگئَ رﺅنتءُ پھیلی لوٹ اَنت، سرجمیں راج عمران خان ئَ چہ پسوئِ وداریگ اِنت، تو درملی فنڈنگ، اثاثہ آنی دروگیں معلومداری ءُ آف شور کمپنی آنی پسوئَ کدی دنت، نوں دروگ بندگءُ تچگءِھچ پاھدگ نیست، عمران خانئَ را وتی سرئِ درسیں کیس آنی پسو دیئگ لوٹ ایت ، عمران خانئَ را مزن گسئِ سرئَ اُرش ، الیکشن کمیشن ءُ دگہ ادارگ آں چہ چست بوتگیں جستانی پسو دیئگ لوٹ ایت، عمران خان وتی دروگئَ را چیردیئگ ئِ ھاترئَ کسانیں کسانیں کار کنگئَ اِنت کدی سندھئِ آپءُ دگانی ٹھیکیدار جوڈ بیت، کدی پنجاپئَ رﺅتءُ دروگ بندیت۔ شاہ آمید گس ئِ ڈنئَ ھال درئِ گوما گپءُ تران کنانئَ مریم اورنگزیب ئَ گشتگ کہ آئیئَ گشتگ کہ عمران خان ءُ آئی ئِ پارٹی ئَ یک رندے پدا مزن وزیر ئِ بیانئَ را چپءُ چوٹ کتگءُ پیش کنگئِ کوشست کتگ، ھال درئَ کہ مزن وزیر ئِ کہ بیان جاری بوتگ آئیءَ گوں جست کنگ بوتگ کہ اسلام آبا د بالی پڑ ئِ جوڈ بوھگئَ دیر ءُ آئی ئِ ھرچئِ تہا الب ورگی ئِ ھساب گرگ بہ بیت گڈا ھگلءُ ہوش گرد اَنت، ایشیئِ پسوداتگ ءُ مزن وزیر محمد نواز شریف ئَ گشتگ کہ اسلام آباد بالی ئِ جوڈ بوھگئَ دیری ءُ الب ورگی ئِ چارءُ تپاسی کنگ بوھگئَ اِنت ءُ دراھیں چیز گرگ بنت بلے اے وھدئَ بالی پڑ ئِ جوڈ بوھگ اولی دلگوشی اِنت چیاکہ کجام ھم پراجیکٹ کہ تہا کہ دیری بیت آئی ئِ ھرچ امیچو گیش بیت۔ ھال ءُاھیوالکارئَ گشتگ کہ عمران خانئَ شاہ آمیدءَ چہ تچک ئِ ھاترئَ دگءُ کشکانی گچینی کتگءُ آ درگ بندایتءُ تچگئِ کوشستئَ کنگئَ اِنت بلے اے وڈ بوت نہ کنت۔ خان صاحب بہانہ بہ کنتءُ پنجاپئَ بہ رﺅتءُ حکومت پنجاپءُ پنجاپئِ سروزیرئِ کارءُ کردئَ بہ چار یت۔ آئیئَ گشتگ کہ عمران خان ئَ را سیالکوٹ ئَ مسلم لیگ (ن) ئَ گوں مردمانی ھبءُ واھگ ءُ حکومت ئِ کارءُ کرد ئِ جوانیئَ ھال معلوم بیت ءُ آ ھجالت بیت۔ ھالءُ اھیوال کاری ئَ گشتگ کہ پنجاپ حکومت ئِ کارءُ کردئِ چارگئَ خیبرپختونخوا ئَ گیگانی کنگئِ وھد ھلاس بوتگ چیاکہ تو دروگ بندگئَ وتی وھد زوال کتگ، تو ملکئِ تہا کرپشن ئِ ٹھیکہ چست کتگ کہ بلے خیبر پختونخوا ئِ احتساب کمیشنئَ را کُبلے جتگ۔ تو الیکشن کمیشنئَ چہ تتکگ اِت ئُ نوں شاہ آمید گسئَ چہ ھم تچگ لوٹ اِت۔ عمرا ن خانئَ چہ سرجمیں راج پسوئِ وداریگ اِنت، نوں دروگ بندگءُ تچگ ئِ ھچ پاھدگ نیست۔ آئی ئَ گشتگ کہ سئے رندئَ جوڈ بوھوکیں مزن وزیر محمد نواز شریف ئِ سرئَ بھتان جنوکیں عمران خان ءُآئی ئِ وکیل مرچی کجا اَنت، مرچی عمران خان شاہ آمید گسئَ ءُ الیکشن کمیشن ئَ پسو چیا نہ دنت، مرچی آ آمید گسئَ پرچہ نہ رﺅت ، چیا کہ آئی ءِ وتی گورئَ وتی سرئَ لگ اِتگیں بھتانی پسو نیست۔ آئی ئَ اے اُمیتئِ درشانی کتگ ک ھال رسانک شاہ آمید گسئِ کاروائی ئِ سرئَ پیسرئِ وڈئَ رپورٹنگ کن اَنت۔ عمران خان وتی ھجالتی ئَ چیر دیئگئِ ھاترئَ پنجاپ، سندھ ءُ خیبرپختونخوا ئَ وتئَ پیش دارگئَ اِنتءُ سُر پُر کنگ ئَ اِنت۔ دیگرانی سرئَ بھتان جنوک پسو دیئگئَ الیکشن کمیشن ءُ شاہ آمید گسئَ چیا نہ رﺅت، عمران خانئَ بدتمیزی ءُ ادارگ آناں بھنام کنگئِ سیاست بندات کتگ۔ عمران خانئِ مولءُ مراد ملکی دیمروئی ءُ کرپشن ئِ ھلاس کنگ نہ اِنت۔ عمران خان ئَ گوستگیں چاریں سال ئَ ھرچی کتگ اُلس آئیئَ چہ بیر گیت، بے سبوتئَ کسی ئِ سرئَ بھتان جنگ ادارگ آنی بے شرپی ءُ مزنیں گناہ اِت۔
