اسلام آباد۔08 مئی (اے پی پی) پاکستان الیکٹرانک میڈیا ریگولیٹری اتھارٹی (پیمرا) ئِ چیئرمین ابصار عالم ئَ ٹوھیں کاندہ آں گوں لوٹ کتگ کہ پیمرا ئَ را دھمکی آنی سر ئَ نوٹس زورگ بہ بیت ئُُ ایشرا ایشی ئِ کار کنوکیں کارندہ آنی گوما رکھینگ ئُُ پھریزگ بہ بیت۔ دوشمبے ئَ ادا پیمرا ہیڈ کوارٹر ئَ پریس کانفرنس ئَ گوں گشتانک دیان ئَ ات آئی ئَ گوشت کہ پیمرا ریاست ئِ ادارگ اِنت، توامیں ادارگ ایشی ئِ کانود آنی سر ئَ عمل کنگ ئَ کمک بکن اَنت۔ آئی ئَ مزن وزیر ، چیف چسٹس آف پاکستان ئُُ آرمی چیف ئَ گوں دزبندی کتگ کہ آ جاور ھال آنی سر ئَ نوٹس بہ زور آں ئُُ آئی ئَ را آئی ئِ ٹیمب ئِ ھواری ئَ جوانیں سیکورٹی پُجارینگ ئَ دل یکیمی بکن اَنت۔ آئی ئَ گوشت کہ پیمرا ئَ را فون کالز ئِ وسیلگ ئَ دھمکی دیگ بوھگ ئَ اِنت۔ پریس کانفرنس ئِ ساھت ئَ پیمرا ئِ ملازم ئَ را دھمکی دیوکیں مردم ئِ فون کال ئَ را گوشدارینگ بوت۔ آئی ئَ گوشت کہ ما وتی ھک ئِ واستہ شاھ آمید گس ئَ روگ ئَ آں۔ چیئرمین پیمرا ئَ گوشت کہ چینلز کُنتی چیز شنگ ئُُ تالان کنگ ئَ آں، منی بابت ئَ مذہبی ئُُ کسد ئُ کینگی پندل پروپیگنڈا کنگ بوتگ۔
