صدر مملکت ممنون حسین ئِ تنظیم اساتذہ پاکستان ئِ ڈل ئَ گوں تران

اسلام آباد۔08 مئی (اے پی پی) صدر مملکت ممنون حسین ئَ گوشت کہ وانگ ئُُ زانگ ئِ ادارگ ملک ئِ دیمروئی ئُُ جوڑیشت ئَ بنیاتی ارزشت ئِ واھند اَنت، اے رد ئَ رھشون آنی زمہ واری اِنت کہ آ نودر بر آنی کرد ئَ جوان ئَ چہ جوانتری جوڑ کنگ ئَ کار بکن اَنت، وانگ ئُُ زنگ ئِ بالاد ئِ ارزشت ئُُ مول ئُُ مراد ئِ چیر دستی ئَ سرجمیں دگنیا ئَ بوتگیں تجروبت ئَ چہ نپ ئُُ سیت چست بکن اَنت۔ آئی ئَ اے گپ تنظیم اساتذہ پاکستان ئِ ڈل ئَ گوں تراان ئِ ساھت ئَ کُت اَنت، ایش ڈاکٹر میاں محمد اکرم ئِ سروکی ئَ دو شمبے ئَ ایوان ئِ صدر ئَ آئیئَ گوں گند ئُُ نند کتگ اَت۔ اے موہ ئِ سر ئِ وزیر ئِ مملکت برائے بُنجاھی وانگ ئُُ زانگ ئِ وزیر انجینئر بلیغ الرحمن ھم ساڑی ات۔ صدر ئِ مملکت ئَ اُمیت سہرا کت کہ رھشون ملک ئَ وانگ ئُُ زانگ ئِ رھبند ئُُ بالاد ئِ جوانی ئِ ھاترا جوانیں کرد ئَ جاڑیدار اَنت تانکہ دمگی جنگ ئُُ چوپ آنی سر ئَ گر ئُُ دار کنگ بہ بیت۔ نوکیں وانگ ئُُ زانگ ئِ رپک ئِ مول ئُُ مراد ملک ئِ توامیں صوبگ ئُُ دمگ آنی گوما یکجائی ئَ سرجمیں ملک ئِ ھاترا یک رنگیں وانگ ئُُ زانگ بہ بیت، اے رد ئَ حکومت ئِ پالیشی راستیں کشک ئَ جنزگ ئَ اَنت۔ آئی ئَ اُمیت سہرا کُت کہ نوکیں نمونگ ئِ یتاری ئِ سر ئَ کار زوت سرجم کنگ بیت تانکہ سرجمیں ملک ئَ زھگ یک وڑیں وانگ ئُُ زانگ ئِ چیر دستی زانشت ئَ در بہ براں ئُُ ملک ئَ یکوئی ئُُ براتی ئِ تہ ئَ گیشی بیت۔