مزن وزیر محمد نواز شریف ئِ زالبولانی میاں اوستمانی روچئِ درگتئَ کلوھ

ا سلام آباد۔08مارچ( اے پی پی ) مزن وزیر محمد نواز شریف ئَ گشتگ کہ پاکستان ئِ حکومت زندئِ ھمک پڑ ءُ ھمک تک ءُ پھناتاں زالبولاناں دیم روئی ءُ شریداری ئِ تہا ھوار کنگئِ ھا ترئَ کار کنگئَ اِنت، زالبولاں باپار، آئی ٹی، سائنس ءُ ٹیکنالوجی م، علم ءُ زانت ءُ سیاحت وڑیں پڑ آں مزنیں کساسے ئَ سوبمند بوتگ اَنت ءُ حکومتی تک ئَ بازیں میاں اوستمانی گلانی تہا مزنیں عہدگانی سرئَ اَتکگ اَنت۔ اے گپ آئی ئَ زالبولانی میاں اوستمانی روچئِ درگت ئَ وتی کلوھئِ تہا گشتگ۔ مزن وزیر ئَ گشتگ کہ مہ درس میاں اوستمانی براتی یک جاھ زالبولانی میاں اوستمانی روچئَ گوازینگ ءَ اَنت۔ اے روچئِ سرھال چینجنگ ورلڈ آف ورک،کرہ ارض 2030ئَ تاں 50-50اِنت ۔ مزن وزیر ئَ صنفی برابری ، زالبولاں وت واک کنگ ءُ انسانی ھکانی نوکیں ءُ انوگیں جارانی سرئَ اثر مندیں عمل کنگئِ ھاترئَ 2030ئِ ایجنڈےئِ سرئَ گشادی ئَ کار کنگئِ ضلورت ئِ سرئَ زُور پِر داتگ۔ آئیئَ گشتگ کہ آئین پاکستان زالبولاں یک کچ ئَ ارزشت دنت، آرٹیکل 18ئِ ردئَ زالبولاناں ھمک پڑ ئِ تہا کار کنگئِ ھق دیئگ بوتگ وھدے کہ آرٹیکل 25ئِ تہا برابری ءُ جوانیں سلوک کنگئِ سرئَ زور پِر دیئگ بوتگ۔ آئی ءَ گشتگ کہ پاکستان زالبولانی دیم روئی ئِ ھاترئَ میاں اوستمانی جزم ئِ ھوالگئَ سرجم ئَ عمل کنگئَ اِنت، حکومت پاکستان ئَ انسانی ھقانی ھپت بنکی کنونشن ئِ توثیق کتگ کہ ایشی ئِ تہا زالبولانی ھلاپ ئَ ھرچ وڈی زُلم ئِ ھلاسی کنونشن ئِ تہا ھوار اِنت۔