اسلام آباد۔07مئی ( اے پی پی) زرکاری بورڈ ئَ درملکی زرکاری بورڈئَ را گہتریں ازمتئِ پھجارینگئِ ھاترئَ جزم کتگ کہ ایشیئِ ھاترئَ ھاسیں اقتصادی زون جوڈ کنگ بوھگئَ اَنت ، ھاسیں اقتصادی زونئِ تہا زرکاری کنوکیں ملکیءُ درملکی زرکار پلانٹءُ مشینریئَ ابید کسٹم ڈیوٹی درآمد کت کن اَنت۔ زرکاری بورڈئِ جارچین شاہ جہانئَ یک شمبے ئِ روچئَ اے پی پی ئِ گوما گپءُ تران کنانئَ ھال داتگ کہ ھاسیں اقتصادی زون سرجمیں ملکئَ جوڈ کنگ بوھگئَ اَنت ءُ حکومت ئَ ھپت ھاسیں اقتصادی زونز ئِ تہا زرکاری ئِ آسراتی ئِ ھاترئَ ون ونڈو آپریشن ئِ آسراتی پھجارینتگ ، ایشیئَ ابید ملکئِ چاریں صوبہ آں ھوار فاٹاءُ شمالی دمگاں گیش نوھ ھاسیں اقتصادی زونز ھم جوڈ کنگ بنت۔ آئی ئَ گشتگ کہ اے اقتصادی زونز آنی جوڈ کنگئَ چہ پاکستان ئَ کنوکیں درملکی زرکاری ئِ تہا گیشی بیت کہ ایشیئَ چہ راجی معیشت ئِ دیمروئی ئِ لوٹ اِتگیں اہدافئَ ھاصل کنگ بہ بیت۔
