آرمی چیف ئَ را شہر ئِ سیکیورٹی جاورھال ، آپریشن ردالفساد ئِ ردئَ کاروائی ءُ صوبہ سندھ ئَ مردم شماری ئِ عملئِ تہا پاک فوج ئِ نیمگئَ چہ کمک کنگئِ ھوالگئَ شونشت دیئگ بوتگ
راولپنڈی۔07مئی ( اے پی پی) چیف آف آرمی سٹاف جنرل قمر جاوید باجوہ ئَ یک شمبے ئِ روچئَ کورہیڈکوارٹر کراچی ءِ ترءُ تاب کتگ، اے موھئَ آئی ئَ را شہر ئِ تہا سلامتی ئِ جاورھال ، آپریشن ردالفساد ئِ ردئَ بوتگیں کاروائی ءُ صوبہ سندھ ئَ مردم شماری ئِ عمل ئِ تہا پاک فوج ئِ نیمگئَ چہ کمک پھجارینگئِ ھوالگئَ شونشت دیئگ بوتگ۔ چیف آف آرمی سٹاف ئَ پاک فوج ءُ پاکستان رینجرز (سندھ) ئِ نیمگئَ چہ اے جیڑھ آں سوبمندیں کمک ئَ را ساڑاتگ۔ آئی ایس پی آر ئِ نیمگئَ چہ جاری پریس ریلیز ئِ ردئَ آئی ئَ گشتگ کہ ملکئِ تہا مھکمی ئِ ھاترئَ کراچی ئِ تہا امنءُ ایمنی جوڈ کنگ المیّ اِنت۔ آرمی چیف ئَ انٹیلی جنس ایجنسی ءُ سیکیورٹی فورس آنی نیمگئَ چہ باگی مردماناں پدا راجی رپک ئِ تہا ھوار کنگئِ ھوالگئَ اے جوانیں کردئِ توسیپ کتگ۔ چیف آف آرمی سٹاف ئَ اے جزم ئِ درشانی کتگ کہ صوبہ سندھءُ کراچی ئِ تہا سرجمئَ امنءُ ایمنی جوڈ کنگئَ تاں کوشستاناں جاری دار اَنت۔ ایشی ئَ چہ پیش کورہیڈ کوارٹرکراچیئَ سر بوھگئَ کورکمانڈر کراچی لیفٹیننٹ جنرل شاہد بیگ مرزائَ چیف آف آرمی سٹاف ئَ را وش اَتک کتگ۔ اے موھئَ ڈی جی رینجرز (سندھ) ھم ساڑی بوتگ۔
