اسلام آباد۔06مئی (اے پی پی) ھال ءُ شنگکاری ئِ مزن گسی سیکرٹری محسن شاہنواز رانجھا ئَ گشتگ کہ پاکستان مسلم لیگ(ن) ئِ حکومت ملکئِ تہا توانائی ئِ پدمنتگیئَ را ھلاس کنگءُ لینئِ ضلورتئَ پیلوکنگئِ ھاترئَ کوشست کنگئَ اِنت ءُ اے ھوالگئَ بازیں منصوبہ آنی سرئَ کارھم جاری اِنت ۔ گوستگیں روچئَ یک نجی ٹی وی چینل ئِ گوما گپءُ تران کنانئَ آئیئَ گشتگ کہ صوبہ پنجابئِ تہا لینئِ لوڈشیڈنگ ئِ ھلاسی ئِ ھاترئَ پنجاب حکومت ھم بازیں دمگاں بازیں منصوبہ بندات کتگ کہ اے زوت سرجم کنگ بنت۔ ھالءُ اھیوال کاری ءُ شنگکاری ئِ مزن گسی سیکرٹری ئَ گشتگ کہ سرجمیں ملکئَ بے جاری لوڈ شیڈنگ نہ بوھگئَ اِنت۔ یک جستےئِ پسوئَ آئی ئَ گشتگ کہ پاکستان تحریک انصاف صوبہ خیبر پختونخوا ئَ کرپشن کیسز ئَ ھوار اِنت۔ آئیئَ بھتان جتگ کہ تحریک انصاف ئِ چیئرمین عمران خان درملکی فنڈنگ کیس ئِ تہا ھوار اِنت۔ محسن شاہنواز رانجھا ئِ گشگ بوتگ کہ پی ٹی آئی ئَ وتی گچین کاری مہم ئِ سرئَ چندہءُ ھیرات ئَ چہ جم کتگیں پیسہ ھرچ کتگ۔
