اسلام آباد۔10اکتوبر (اے پی پی):گرینڈ ڈیموکریٹک الائنس ءِ پارلیمانی لیڈر غوث بخش مہر ءَ گوشتگ کہ سیلاپ ءِ ھوالگ ءَ ایوان ءَ سرجمیں باستءُ واست بہ بیت ایشی ءِ تہءَ سیادی داروکیں وزیر آنی ساڑی بوھگ ءَ را دل یکیمی جوڑ کنگ بہ بیت۔ دو شمبے ءَ راجی اسمبلی ءَ بُکگ جنگ ءِ ساھت ءَ آ سیلاپ ءَ چہ آماچ بوتگ انت۔ آماچیں دمگ آنی تہءَ انوگ ءَ تاں ربیع ءِ کشت ءُ کشار کنگ نہ بوتگ۔ توامیں آماچیں مردم آناں کمک نہ پج اتگ۔ سیادی داروکیں حکومتی ادارگ آناں سیلاپ ءَ چہ آماچیں مردم آنی کمک ءِ واستہ دیم ءَ آیگ لوٹ ائیت۔ آئی ءَ گوشت کہ سندھ ءُ بلوچستان ءَ سیلاپ ءَ چہ درستاں چہ گیش تاوان بوتگ۔ ایشی ءِ پد ءَ ایوان ءَ سرجمیں باست ءُ واستہ بہ بیت ءُ سیادی داروکیں وزیر ءُ اپسرگ آناں ھم ایوان ءَ آیگ لوٹ ائیت۔
