اسلام آباد۔ 10 اکتوبر (اے پی پی) بنجائی وزیر ڈٹ بندی و شونداری احسن اقبال پارینے کہ چین پاکستان اقتصادی راہداری (سی پیک) ڈٹ انا رداٹ جوڑ مروک آ خصوصی اقتصادی زونک برآمد آتے ودفنگ اٹ اہم ءُ کڑد اس ادا کیرہ۔ اسلام آباد پالیسی ریسرچ انسٹی ٹیوٹ (آئی پی آر آئی) نا کنڈآن چائنا سٹڈی سینٹر و سی آئی آئی ٹی اسلام آباد نا شریداری اٹ گلوبل ڈویلپمنٹ انیشیٹو (جی ڈی آئی) آن گلوبل سیکورٹی انیشیٹو(جی ایس آئی ) اسکان نا سرحال آن اڈ ہلوک آ سیمینار آن تران کرسا کرے۔ اومستی پارے کہ پائیدار شونداری نا ہدف (ایس ڈی جیز) زرگزرانی سوگوی آن بیدس دوئی کننگ مفک۔ اومستی پارے کہ چین پاکستان اقتصادی راہداری پاکستان ءِ تینا زرگزران ءِ شونداری تننگ نا یکتا ءُ موقع اس فراوان کیک۔ اوداہم پارے کہ بھاز انگا ملک آک سی پیک اٹ اوار مننگ نا است خواہی تخرہ۔
