کراچی۔ 10 اکتوبر (اے پی پی) پاک قطر جنرل تکافل و مینٹورہیلتھ اسہ مفاہمتی یات داشت اسے آ دستخط کرینو، دامعاہدہ نا مسخت ڈیجیٹل وڑاٹ مربوط جان جوڑی نا خذمت آتا کمک اٹ الس نا ہیلتھ کیئر و تندرستی نا آزموندہ ٹی جدت ودی کننگ ءِ۔ دوشنبے نادے آجاری اعلامیہ نا رداٹ پاک قطر جنرل تکافل نا ڈپٹی چیف ایگزیکٹیو آفیسر ثاقب ذیشان و مینٹورہیلتھ انا جی ایم کارپوریٹ بزنس سلوشنز اینڈ اے ڈی سی یوسف انصاری معاہدہ غا دستخط کریر۔ داوخت آ ہڑتوم آ ادارہ غاتا ایلو کمامدارآک ہم ساڑی ئسر۔ پاک قطر جنرل تکافل نا ڈپٹی چیف ایگزیکٹیو آفیسر ثاقب ذیشان پارے کہ ساڑی آ ہیلتھ کیئر و راجی آسراتی نا منظر نامہ ءِ بدل کننگ نا تین پہ تینی مسخت اتون مینٹورہیلتھ اتون شریداری آ ننے خوشی ءِ، دا بشخ اٹی جدت نا بھلو گنجائشت اس ساڑی ءِ و ننے یقین ءِ کہ داوڑنا معاہدہ نئے بیرہ مثبت بدلی اتیک بلکن جان جوڑی نا ویل آتے ایسر کننگ اٹ ہم کمکار مریک۔ مینٹور ہیلتھ انا جی ایم کارپوریٹ بزنس سلوشنز اینڈ اے ڈی سی یوسف انصاری پارے کہ مینٹورہیلتھ ٹیک اسپیس اٹ کاریم کیک، کنے یقین ءِ کہ دا شریداری پوسکن آ ماڈل آتیا کاریم کیک۔
