عدالت آک اسمبلی نا باسک آتے ہلنگ نا عمران خان نا اعترافی بیان نا نوٹس ءِ ہلیر،) پاکستان مسلم لیگ (ن) نا مرکزی راہشون چوہدری نعیم کریم

کوئٹہ۔ 10 اکتوبر (اے پی پی) پاکستان مسلم لیگ (ن) نا مرکزی راہشون چوہدری نعیم کریم پارینے کہ ایلوفتیا قومی اسمبلی نا باسک آتے ہلنگ نا دوبہ خلوک آ عمران نیازی نا اسمبلی نا باسک آتے ہلنگ نا بابت آڈیو لیکس آن پد اونا دروشم الس نا مون آ بے نقاب مسنے داسہ عمران نیازی پائے کہ اوڑتون پنچ اسمبلی نا باسک آتے ہلنگ کن پیسہ ہراکان بس؟۔ داڑے جاری مروک اسہ بیان اسے ٹی چوہدری نعیم کریم پارے کہ عمران نیازی نا آڈیو لیکس آن پک مس کہ او 5 اسمبلی نا باسک آتے ہلکنے، عمران خان نا آڈیو ٹی اسمبلی نا باسک آتے ہلنگ نا اعتراف اونا برخلاف چارج شیٹ اسے عدالت آک اسمبلی نا باسک آتے ہلنگ نا عمران خان نا اعترافی بیان نا نوٹس ءِ ہلیر، عمران خان نا برخلاف جے آئی ٹی جوڑ کرسا جاست وپاست کننگے، باسک آتے ہلنگ نا پیسہ غاتا منی ٹریل ہلنگے۔ اوپارے کہ عمران نیازی اقتدار نا ہِننگ آن پد ذہنی مریض اس جوڑ مسنےو او پدریسہ ملک انا برخلاف سازش آتیٹی لگوک ءِ اگہ اونا کسر ءِ دمدستی وڑاٹ توننگتو تو اوڑآن ملک ءِ نسخان مننگ نا گڑتی ءِ۔ اوپارے کہ عمران نیازی داسہ الس ءِ ورندی ایتے کہ تینا اقتدار ءِ بچفنگ کن  قومی اسمبلی نا باسک آتے ہلنگ کن اوڑتون پیسہ ہراکان بس؟۔ اوپارے کہ مسلم لیگ (ن) ہمو اسٹ انگا جماعت ءِ  ہرامدام پاکستان نا الس نا بے رنگ و نسل خذمتءِ کرینے و انشاء اللہ آخبت ہم پارٹی الس نا خذمت ءِ برجاتخک۔ اوپارے کہ عمران نیازی ایلو فتیا دوبہ خلنگ آن مشست تینا زنچک اٹ ہلے ہرے و پدریسہ الس تون دروغ تڑسا ہشکا تننگ نا چم آتیٹی لگوک ء، ولے آڈیو لیکس اونا غٹ ڈٹ آتیا دیر شاغا الس داسہ عمران نیازی نا دروتیٹی بفک۔