کوئٹہ۔ 10 اکتوبر (اے پی پی)سیاسی و راجی راہشون ہادی عسکری پارینے خواجہ محمد صلی اللہ علیہ و آلہ وسلم نا بننگ آن بنی نوع انسان ءِ خل تا بُت آتیان آجوئی نصیب مس و غٹءِ معبود برحق نا کنڈا ہِننگ نا کسر ملا، خواجہ محمد صلی اللہ علیہ و آلہ وسلم ننکن کھلی کتاب اسے ہرا بنی نوع انسان کن اسہ نمونہ و درور اسے نا حیثیت تخک و تاقیامت اسکان کسر نا ڈیواءِ، اونا پاروک آتیا عمل کرسا دنیاو آخرت اٹ سرسہبی دوئی کننگ مریک ۔ داہیت ءِ او تینا ہنکین آ اڈ ہلوک آ محفل میلاد آن تران کرسا پارے۔ اوپارے کہ اسلام ننے قربانی نا سبخ ایتک، دین واسلام نا سربلندی و تینا ایلم کن بھلا آن بھلا قربانی تننگ آن دریغ کننگپ۔ اوپارے کہ رب العالمین خواجہ محمد صلی اللہ علیہ و آلہ وسلم ءِ غٹ عالم کن رحمت اللعالمین کرسا گدریفے محسن انسانیت و خاتم النبیین خواجہ محمد صلی اللہ علیہ و آلہ وسلم نا حیات طیبہ ننکن کسر نا ڈیوا ءِ ہراڑآ عمل کرسا ہراڑے نن دنیا و آخرت ہڑتوم آتیٹی سرسہبی دوئی کننگ کینہ۔ اوپارے کہ خواجہ محمد صلی اللہ علیہ و آلہ وسلم تون مہرومریبت و عقیدت ننا ایمان نا المی ءُ جزو اسے و نبی کریم حضرت محمد صلی اللہ علیہ و آلہ وسلم تون مہر ومریبت نا خواست ءِ کہ نن اونا سنت و اسوہ حسنہ غا عمل کین۔
