پشاور۔ 10 اکتوبر (اے پی پی) برداشت آرگنائزیشن خیبرپختونخوا و یورلا ئینز کلب افکو نجی ادارہ نا کمک اٹ کالام سوات اٹی نوکاپ زہمی علاقہ غاتا زہمی تے یخ آن بچفنگ کن کمکی گڑا بشخا۔ داوخت آ برداشت آرگنائزیشن اینڈ یورلائینز کلب نا صدر نیلم طورو و اونا ٹیم ساڑی ئسک۔ گڑاتیٹی یخ آن بچفنگ کن لیپ، بالشت، نرینہ ئی ءُ خیری، نیاڑی تا باسن ءُ گُد، ہائی جین کٹ، جراب، کوٹ و چناتا باسن ءُ سوٹ پین پین اوار ئسر۔ کمکی گڑاتے کالام نا زہمی علاقہ اتروڑ، کالام ، خلق بان پالبر، لائیکوٹ پشمال ، چم گھڑی و پشمال بوڈے کمر نا 300 زہمی تے تننگا۔ نیلم طور وپارے کہ نن افکو نا منت وار اُن ہرا کالام نا نوکاپ زہمی تیکن ننے فنڈ تس۔ اوپارے کہ ننا تنظیم آخبت ہم نوکاپ زہمی تا کمک ءِ کیک۔ داوخت آ او ایلو کمکی آسودہی تنظیم تیان خواست کرے کہ مشکل نا داساہت اٹی نوکاپ زہمی تا است انا حب اٹ کمک ءِ کیر۔
