تھر۔10اکتوبر (اے پی پی): مزن وزیر محمد شہباز شریف ءَ سندھ اینگرو کول مائننگ کمپنی ( سی ایس سی ایم سی ) ءِ فیز 2 ءِ کمرشل آپریشنز ءِ بنگیج کت۔ دو شمبے ءَ تھر کول مائنز بلاک 2 اسلام کوٹ ءِ تر ءُ تاب ءِموہءَ مزن وزیر ءَ اے رد ءَ بن ھشتی سنگءِ دیمدرائی کت۔ اے موہ ءِ سر ءَ وزیر ءِ درئیکار بلاول بھتو زرداری ، پیسریگیں مزن وزیر شاہد خاقان عباسی، بنجاھی وزیر منصوبگ بندی احسن اقبال، بنجاھی وزیر توان خرم دستگیر خان، وزیر ءِ مملکت برائے پٹرولیم مصدق ملک، سر وزیر سندھ سید مراد علی شاہ، پاکستان ءَ چین ءِ سفیر نونگ رونگ ءُ ایندگر سروک ساڑی اتنت۔ مزن وزیر ءَ تھر انرجی لمیٹڈ ءِ 330 میگاواٹ ءِپاور پلانٹ ءِ بنگیج ءَ چہ پد نہال ءِھم کشت۔ مزن وزیر ءَ تھر انرجی لمیٹڈ ءِ کنٹرول روم ءِ چار ءُ تپاسی کتءُ تھر کول پراجیکٹ ءَ کار کنوکیں زالبولیں ڈرائیورآں گوں گند ءُ نند ھم کت۔
