تھر۔10اکتوبر (اے پی پی): مزن وزیر محمد شہباز شریف ءَ تھر کول ءَ را معاشی دیمروئی ءِ واستہ گیم چینجر نامینان ءَ گوشت کہ تھر کول منصوبگ دمگ ءِدیمروئی ءُ وشھالی ءِ منصوبگ انت، تھر اشکر ءَ چہ توان ءِ پیداوار ءَ چہ گیش زرامبار بچت بیت، اشکر ءَ چہ توان پیداک کنوکیں توامیں پاور پلانٹس آناں تھر ءِ اشکر آنی سر ءَ شفٹ کنگ لوٹ ائیت، سی پیک ءِ چیر دستی ءَ ھاٹیگ ءِ شوبگ ءِ تہءَ سرمایہ کاری چین ءِ بازیں ٹیکی انت، ریلوے لنک ءَ چہ تھر ءِ اشکر آناں سرجمیں ملک ءَ شنگ ءُ تانی ءَ آسانی بیت۔ اے ھیالانی درشانی آئی ءَ ادا تھر انرجی بلاک ٹو ءُ تھر کول مائنز ٹو ءِ بنگیجی مراگش ءَ گشتانک دیان ءَ کت۔ اےموہءِ سر ءَ درئی کارانی وزیر بلاول بھٹو زرداری، پیسریگیں مزن ویر شاہد خاقان عباسی ، بنجاھی وزیر منصوبگ بندی احسن اقبال ، بنجاھی وزیر توان خرم دستگیر خان، وزیر ءِ مملکت برائے پٹرولیم مصدق ملک، سر وزیر سندھ سید مراد علی شاہ، پاکستان ءَ چین ءِ سفیر نونگ رونگ ءُ ایندگر ارزشتی ایں سروک ساڑی اتنت۔ مزنوزیر ءَ گوشت کہ سکیں ساھت آں ابید منصوبگ ءِ سرجمیءَ چہ چیئرمین ھبکو ءُ آئیءِ ٹیمب ءَ درستاناں مبارک بات پیش کناں۔
