اسلام آباد۔10اکتوبر (اے پی پی):پاکستان مسلم لیگ(ن) ءِ زالبول آنی شوبگ اسلام آباد ءِ صدر فرح ناز اکبر ءَ گوشتگ کہ پی ٹی آئی ءِ کشاں چیل ءِ سیاست ءِ سبب ءَ لس مردم سکی آں گوں آماچ انت۔ عمران خان نیازی وتی ناکامیای ءُ نالائقی آنی سبب ءَ سک باز مایوس بوتگ۔ راج سیلاپ ءَ چہ کمکی کار آنی تہءَ دزگٹ انت گڈا دومی نیمگ ءَ یک کرسی ءِ واستہ مرگ کنوک ءِ آماچیں مردم آنی کمک ءِ مٹ ءَ جاک ءُ کوکار ءُ گریوگ ءَ گوں مشکل انت۔ پاکستانی راج نوں راستیں رنگ ءَ دروگ بروک ءَ گوں شر ءُ جوانی ءَ بلد کار انت۔ آئی ءَ گوشت کہ اے وھد ءَ سرجمیں سیاسی جاور ھراب بوھگ ءَ انت۔ عمران نیازی اے نہ وشیں وھد ءُ پاس ءَ جاک ءُ کوکار ءِ گوازی ءَ کنگ ءَ اسنت۔ اے مردم مدام دگرانی سر ءَ کچرا دور دنت بلے وتی زنچک ءَ اچبر نہ چار ائیت۔ اے اچبر وتی یوٹرن زورگ ءِ مولءُ مراد آں تل پچ نہ کنت ءُ نہ گوشیت۔ شپ ءُ روچ امریکہ ءَ را زاھ ءُ بد کنوک شپ ءِ تہاروکی ءَ دست ءُ پاد آں کپ ائیت ءُ مافی لوٹ ائیت۔
