نبی کریم ﷺ    ءِ  اخلاق   ءِ سر ءَ عمل کنگ ءَ چہ پاکستان دگنیا ءِ  طاقتورتریں ریاست  جوڑ بوت کنت، صدر مملکت عارف علوی ءِ  میاں اوستمانی  سیرت النبی ﷺ کانفرنس  ءِ بنگیجی  دیوان  ءَ گوں گشتانک

اسلام آباد۔9اکتوبر  (اے پی پی):صدر مملکت ڈاکٹر عارف علوی  ءَ گوشت کہ بنی کریم ﷺ    ءِ   اخلاق  ءِ سر ءَ  عمل  کنگ ءَ چہ پاکستان  دگنیا ءِ  تہ ءَ  طاقتور تریں  ریاست ءِ جوڑ بوت  کنت،   وھد ءِ ما  مہر  ءُ  دوستی  ءَ  گوں وت ءَ را  مٹ  بکن آں گڈا  پاکستان  مٹ  بیت  ءُ دگنیا  ءَ  مٹ بیت۔  کانود ءِ  پد ءُ رندی کنوکیں  چاگرد دیمروئی کنت،  دگنیا    مرچی  ساپ ءُ سلہ  ایں   سیاست  ءِ  واھگ دار انت ایشی ءِ  سبک  نبی کریم ﷺ  ءَ داستگ۔  اخلاقیات  ءَ چہ بنی آدمی چاگرد   ءِ  تہ ءَ   یکوئی  پیداک  بیت۔  نبی کریم  ﷺ  ءَ  اللہ  پاک  ءِ جوڑ بوتگیں   چیز آں گوں   مہر  ءُ محبت  کتگ ءُ  ھاسیں رنگ ءَ آپ ءِ   زیان  کنگ ءَ چہ  مکن کتگ۔   ماحولیاتی مٹ ءُ بدلی  ءِ درستاں چہ مستریں  سبب  ھدا ءِ جوڑ کتگیں  چیز آں  گوں مہر ءُ محبت  نہ کنگ ءِ نتیجگ انت۔ اے ھیالانی درشانی آئی ءَ  یک شمبے ءِ روچ ءَ   دو روچی میاں اوستمانی  سیرت النبی ﷺ  کانفرنس  ءِ  بنگیجی مراگش ءَ گوں  گشتانک دیان ءَ  کت۔